19.09.2026 | 12:12
ԱՄՆ-ը Դանիայի և Գրենլանդիայի հետ համաձայնագիր է կնքել՝ կղզու անվտանգության նկատմամբ «մշտական վերահսկողության» մասին․ Թրամփ
Մենք չենք բերում, իրենք են գալիս, եթե բերեինք, դա պետական մակարդակի հայրենադարձություն կլիներ. Սինանյանը լիբանանահայերի մասին
Քաղաքականություն
28.08.2020 | 22:45
«Փոքր ծավալներով կարողանում ենք հոգալ հայրենադարձ լիբանանահայերի կարիքները, համենայնդեպս կացարանների կարիքը, մինչև այդ հարցով կազմված փաթեթն ուժի մեջ մտնի, և ունենանք այլ լուծումներ, սեպտեմբերի 1-ին շրջանառության մեջ կդրվի»,-այս մասին լրագրողների հետ ճեպազրույցում ասաց սփյուռքի գործերի գլխավոր հանձնակատար Զարեհ Սինանյանը:
«Այս պահին մեր հասարակությունում շատ մեծ բարի կամք կա Լիբանանում ոչ միայն պայթյունից, այլև տնտեսական ճգնաժամից տուժած մեր հայրենակիցների նկատմամբ: Մարդիկ կան, իրենց հանգստյան տներն են առաջարկում»,-ասաց Սինանյանը:
Ինչ վերաբերում է այն դիտարկումներին, թե սփյուռքի հայ համայնքների պահպանումը շատ կարևոր է, Սինանյանն ասաց, թե իրենք չեն բերում մարդկանց, իրենք են գալիս:
«Եթե բերեինք, դա պետական մակարդակի հայրենադարձություն կլիներ: Այս պահին որոշ լիբանանահայեր նախընտրում են գալ ու բնակություն հաստատել իրենց պատմական հայրենիքում»,-նշեց նա:
