10.08.2026 | 12:04
11 տարի հետախուզման մեջ գտնվող՝ 10.9 մլն եվրո հափշտակության գործով մեղադրյալը հայտնաբերվել է. նախաքննությունն ավարտվել է
ՀՆԱ-ն 5,7 %-ով անկում է ունեցել․ սա հիմնականում պայմանավորված է շինարարության անկմամբ․ Ջրբաշյան. ՏԵՍԱՆՅՈՒԹ
Տնտեսություն
28.08.2020 | 13:33
Տնտեսության մեջ ամենամեծ խնդիրը 78,4 տոկոս ինդեքսն է, որը կա ծառայությունների ոլորտում։ Այս մասին այսօր «Տնտեսական անկումը շարունակվում է. ի՞նչ սպասել տարեվերջին թեմայով քննարկման ժամանակ ասաց «Ամերիա» խորհրդատվական ընկերության տնօրեն Տիգրան Ջրբաշյանը։
«Ունենք իհարկե խնդիր շինարարության ոլորտում, սակայն շինարարության ոլորտը վերջին ամիսների ընթացքում առաջանցիկ վերականգնողական փուլում է գտնվում, բայց խնդիրն այն է, որ մենք ունեցել ենք խայտառակ իրավիճակ ապրիլ-մայիս ամիսներին, և վերականգնումը դեռ չի հասել այն մակարդակին։ Կապիտալ շինարարության ոլորտում մեր այսօրվա ցուցանիշները գնահատվում են 80 տոկոսի մոտ՝ նախորդ տարվա համեմատ»,- նշեց Ջրբաշյանը։
Վերջինիս խոսքով՝ 6 ամիսների ընթացքում5,7 տոկոս անկում ենք ունեցել, ինչը մեծապես կապված է շինարարության անկման հետ։ Տիգրան Ջրբաշյանը այս իրավիճակում մի քանի փաստեր ֆենոմենալ է համարում։ Դրանցից են էլեկտրաէներգիայի սպառման, ինչպես նաև միջին աշխատավարձի բարձրացումը։ «Այս պահի դրությամբ Հայաստանում բոլոր ոլորտներում ունենք միջին աշխատավարձի աճ թե՛ պետական, թե՛ մասնավոր հատվածում։ Նաև էլեկտրաէներգիայի սպառման աճ է գրանցվել՝ նախորդ տարվա համեմատ՝ 3,4 տոկոսով։ Սրա բացատրությունները տարբեր կարող են լինել, սկսած նրանից, որ մարդիկ ավելի շատ են անցկացրել տանը, ավելի շատ են սպառել էլեկտաէներգիա։ Միաժամանակ ունենք սպառողական գների գրեթե մեռած իրավիճակ՝ 101,1 տոկոս է կազմում, որը նույնպես բավական հետաքրքիր ֆենոմեն է»,- նշեց Ջրբաշյանը։
Մանրամասները՝ տեսանյութում։
