14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Պուտինն ինձ հետ համամիտ է, որ Բելառուսը թուլացնում են, որպեսզի հետո նույն սցենարը Ռուսաստանում կիրառեն. Լուկաշենկո
Քաղաքականություն
22.08.2020 | 18:44
Բելառուսի նախագահ Ալեքսանդր Լուկաշենկոն հայտարարել է, որ երկիրը թուլացնում են, որպեսզի հետագայում նույն սցենարը կիրառեն Ռուսաստանում. գրում է gazeta.ru-ն վկայակոչելով BelTA- ին:
Լուկաշենկոն նշել է, որ այս հարցում իր հետ համամիտ է ՌԴ նախագահ Վլադիմիր Պուտինը:
«Ես և Պուտինն այս հարցում համակարծիք ենք. մեզ թուլացնում են, որպեսզի հետո հարձակում գործեն Ռուսաստանի վրա», – ընդգծել է Լուկաշենկոն:
Լուկաշենկոն երկրում ստեղծված իրավիճակը համեմատել է ցատկահարթակի հետ՝ նշելով, որ այն քանդել է պետք:
Հիշեցնենք, որ օգոստոսի 9-ին կայացած նախագահական ընտրություններից հետո Բելառուսի տարբեր քաղաքներում բողոքի ցույցեր են ընթանում: Ցուցարարներն իրենց դժգոհությունն են արտահայտում ընտրությունների արդյունքներից, որոնց համաձայն՝ գործող նախագահ Ալեքսանդր Լուկաշենկոն վերընտրվել է 6-րդ անգամ՝ ստանալով ձայների 80.1%-ը, իսկ նրա հիմնական մրցակից Սվետլանա Տիխանովսկայան 10.12%-ը։ Ցույցերի սկսվելուց ի վեր շուրջ 7000 մարդ է ձերբակալվել, հարյուրավոր մարդիկ վիրավորվել են: Չորս ցուցարար մահացել է:
