09.12.2025 | 23:31
Եվրոպական հանձնաժողովը հետաքննություն է սկսել Google-ի դեմ
«Չկա այդպիսի բան», «Թանկացումները լավ բան չեն». ՀՀԿ-ական պատգամավորները՝ թանկացումների մասին
Տնտեսություն
05.12.2017 | 14:39
Հանրապետական խմբակցության պատգամավոր Ջեմմա Բաղդասարյանի կարծիքով՝ Հայաստանում համընդհանուր թանկացումներ չկան: «Որոշ ապրանքներ թանկացել են, իհարկե, չեմ կարող ասել, որ դա հաճելի է, բայց այդպիսի վերլուծություն, որ ընդհանրապես թանկացում է եղել, այդպիսի բան չկա»,- խորհրդարանում լրագրողների հետ զրույցում նշեց ՀՀԿ-ական պատգամավորը՝ շարունակելով պնդել՝ փաստեր չկան, որ հունվարի 1-ից նոր թանկացումներ են լինելու:
ՀՀԿ խմբակցության մեկ այլ պատգամավոր՝ Խոսրով Հարությունյանն էլ անդրադառնալով արձանագրված թանկացումներին, նշեց. «Թանկացումները լավ բան չեն։ Որևէ սպառողին, նույնիսկ ամենահիմնավորված թանկացումները չեն կարող բավարարել»:
Հարց հնչեց՝ պատգամավորը տեղյա՞կ է, որ սոված ընտանիքներ կան, Հարությունյանը պատասխանեց. «Այն, որ սոցիալապես լարված վիճակում գտնվող ընտանիքներ կան, բոլորին է հայտնի։ Իշխանության քայլերն են հասկանալ, որ կան գործոններ, որոնք ազդում են գնի վրա և պայմանավորված են քաղաքականությամբ և կան գործոններ, որոնք ազդում են գնի վրա, և դա պայմանավորված չէ մեզնով»։
Մանրամասները՝ տեսանյութում:
