ՀՀ ԱԻՆ-ից տեղեկացնում են, որ օգոստոսի 18-ին, ժամը 15։05-ին Մարզային ճգնաժամային կառավարման կենտրոն ահազանգ է ստացվել, որ Արարատ գյուղում՝ Վազգեն Սարգսյանի տուն-թանգարանի ճանապարհին, «MAN» մակնիշի ավտոմեքենայի բեռնախցիկում այրվում է անասնակեր:
Դեպքի վայր է մեկնել ԱԻՆ ՓԾ Արարատի մարզային փրկարարական վարչության հրշեջ-փրկարարական ջոկատից երկու մարտական հաշվարկ։
Պարզվել է, որ հրդեհը բռնկվել է Երևան-Մեղրի ավտոճանապարհի 49-րդ կմ-ին՝ Արարատ համայնքի վարչական տարածքում:
Հրդեհը մեկուսացվել է ժամը 15:38-ին, մարվել` 17:46-ին: Այրվել է մոտ 130 հակ անասնակեր:
