10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
ՀՔԾ-ում Սերժ Սարգսյանի նկարը փակցնելու իրավական հիմնավորում չկա, եթե իհարկե որևէ քննիչ Սերժ Սարգսյանին իր պապը կամ հայրը չի համարում. Նիկոլ Փաշինյան
Քաղաքականություն
05.12.2017 | 11:39
Ազգային ժողովի «Ելք» խմբակցության ղեկավար Նիկոլ Փաշինյանն այսօր խորհրդարանում անդրադարձավ վեց ամիս առաջ Հատուկ քննչական ծառայության պետ Վահրամ Շահինյանին ուղղված իր հարցմանը: «Վահրամ Շահինյանը մինչ օրս չի պատասխանել: ԱԺ պատգամավորի երաշխիքների մասին օրենքի 6-րդ հոդվածի 2-րդ մասի առաջին կետը սահմանում է, որ իրավասու պաշտոնատար անձինք պարտավոր են 3-շաբաթյա ռեժիմով քննարկել պատգամավորի գրավոր հարցումը և գրավոր պատասխանել դրան: Դեռևս 2017 թվականի մայիսի 25-ին գրավոր հարցմամբ դիմել եմ ՀՔԾ պետ Վահրամ Շահինյանին: Իսկ հարցը հետևյալն է՝ իրավական ի՞նչ հիմնավորմամբ են ՀՔԾ քննիչների սենյակներում կախված Սերժ Սարգսյանի դիմանկարները»,- նշեց ընդդիմադիր խմբակցության ղեկավարը՝ փաստելով, որ ՀՔԾ պետը հարցմանը չպատասխանելով՝ թույլ է տվել օրենքի խախտում:
«Ուզում եմ հավաստիացնել, որ ՀՔԾ պետին պատասխանի կանչելու ձևը կգտնեմ և այս հարցում լինելու եմ հետևողական, իսկ ՀՔԾ բոլոր քննիչներին զգուշացնում եմ իրենց պատերից հանել Սերժ Սարգսյանի լուսանկարը, քանի որ դրա համար ոչ մի իրավական հիմնավորում չկա, եթե իհարկե, որևէ քննիչ Սերժ Սարգսյանին իր պապը կամ հայրը չի համար»,- եզրափակեց Նիկոլ Փաշինյանը:
Մանրամասները՝ տեսանյութում:
