22.01.2026 | 23:29
ՀՀ տարածքում կան փակ ավտոճանապարհներ, Լարսը բաց է
Աժ-ում դեմ քվեարկեցին ԵՏՄ-ից դուրս գալու հարցը նիստերի օրակարգ ներառելուն
Քաղաքականություն
05.12.2017 | 10:35
Ազգային ժողովը ձայների 75 դեմ, 6 կողմ հարաբերակությամբ մերժեց ընդդիմադիր «Ելք» խմբակցության՝ Եվրասիական տնտեսական միությունից (ԵՏՄ) դուրս գալու գործընթաց սկսելու վերաբերյալ ԱԺ հայտարարության նախագիծը խորհրդարանի լրագումար նիստերի օրակարգ ներառելու հարցը:
Մինչ քվեարկությունը նախագծի հեղինակ, «Ելք» խմբակցության պատգամավոր Էդմոն Մարուքյանը կրկին խոսեց ԵՏՄ-ի վնասներից, ապա նշեց, որ ցավոք, հարցը քվեարկությամբ կմերժվի:
Հանրապետական խմբակցության պատգամավոր Հերմինե Նաղդալյանը պնդեց, որ բոլոր արգումենտները ներկայացվել են, կատարվել է լուրջ քննարկում: «Մենք հնչեցրեցինք՝ ԵՏՄ-ին մասնակցությունը նոր հնարավորություն է Հայաստանի համար, տեմպերի խնդիրը գոհացուցիչ չէ, մեծ սպասելիքներ կան, բայց որևէ տնտեսական միություն չի կայացել երկու-երեք տարվա մեջ»,- հայտարարեց Նաղդալյանը:
Իշխող ուժի մեկ այլ պատգամավոր՝ Սամվել Ֆարմանյանն էլ շեշտեց, որ Հայաստանին հաջողվել է գրեթե ոսկերչական ճշգրտությամբ առաջ տանել Հայաստանի արտաքին քաղաքական շահերը:
Հիշեցնենք՝ «Ելք»-ի նախագիծը բացասական եզրակացություն էր ստացել նաև ԱԺ արտաքին հարաբերությունների մշտական հանձնաժողովի կողմից:
