05.11.2024 | 23:30
ԱՄՆ նախագահական ընտրությունների արդյունքները դժվար թե վերականգնեն Թուրքիայի հետ հարաբերությունները. անդրադարձ
«Արարատի գինու գործարանը» ևս մեկ արտոնություն կստանա
Տնտեսություն
05.12.2017 | 10:16
«Արարատի գինու գործարան» սահմանափակ պատասխանատվությամբ ընկերությունը կազատվի ներմուծման մաքսատուրքից: Այս հարցը ներառված է ՀՀ Կառավարության դեկտեմբերի 7-ի օրակարգում: Որոշման նախագծի մշակումը պայմանավորված է «Արարատի գինու գործարան» ընկերության կողմից գերակա ոլորտում իրականացվող ներդրումային ծրագրի շրջանակներում ներմուծվող տեխնոլոգիական սարքավորումները, դրանց բաղկացուցիչ ու համալրող մասերը, հումքը և նյութերը ներմուծման մաքսատուրքից ազատելու անհրաժեշտությամբ:
Ընկերության կողմից ներմուծվող ապրանքներն օգտագործվելու են կոնյակի արտադրության մեջ։ Ներմուծվող ապրանքները չեն ներմուծվում ԵՏՄ անդամ-երկրներից, քանի որ դրանց տեխնիկական չափանիշները չեն բավարարում ընկերության պահանջներին։ Նախագծում նաև ասվում է, որ արտոնության առկայությունը լուրջ խթան կհանդիսանա նոր ներդրումային ծրագրերի իրականացման և որպես հետևանք նոր աշխատատեղերի ստեղծման, ներդրումների ներգրավման համար:
Նշենք, որ Կառավարության որոշմամբ ընկերությունն արդեն իսկ 2017 թվականի ապրիլին ներմուծվող ապրանքների ավելացված արժեքի հարկի վճարման ժամկետը 3 տարի անց վճարելու արտոնություն էստացել:
Ըստ պետռեգիստրի՝ընկերության հիմնադիր է հանդիսանում ոմն Արմեն Սարգսյան:
