10.06.2026 | 15:52
Լավրովը հայտարարել է, թե ՀԱՊԿ-ը կդիտարկի ՀՀ-ի դեմ համապատասխան միջոցների հարցը՝ անդամավճարների չվճարման պատճառով
Լիբանանում հանդիպել ենք իրենց տները կորցրած անձանց հետ՝ հենց ավիրված տան ներսում․ Սինանյան. ՏԵՍԱՆՅՈՒԹ
Հասարակություն
14.08.2020 | 15:17
Սփյուռքի գլխավոր հանձնակատար Զարեհ Սինանյանը Լիբանան կատարած այցի ժամանակ հանդիպել է մի քանի տասնյակ հայրենակիցների հետ։ Այս մասին նա այսօր հայտնեց ասուլիսի ժամանակ։
«Հանդիպել ենք շատ տարբեր միջավայրերում, փորձել ենք դիտավորյալ այնպես անել, որպեսզի մի տեսակի մարդկանց չհանդիպենք, ավելի համապարփակ պատկերը ստանանք լիբանանահայության ու լիբանանահայկական իրականության։ Հանդիպել ենք մարդկանց դպրոցներում, Նոր Հաճնի փողոցներում, հետները մանրամասն զրուցել ենք, հանդիպել ենք մարդկանց Բուրջ Համուդի ճաշարանում, Կարագյոզյան կլինիկայում, մարդիկ, որոնք սպասում էին, որպեսզի բժշկական օգնություն ստանան, սոցիալական աշխատողների հետ, որոնք հարյուրավոր, հազարավոր մարդկանց հետ են առնչվում և փոխանցել են ընդհանուր բնակչության տրամադրությունը մեզ։ Հանդիպել ենք բժիշկների, բարեգործական աշխատակիցների, իրենց տները կորցրած մարդկանց հետ՝ հենց իրենց ավիրված տան ներսում»,- նշեց Սինանյանը։
Վերջինիս խոսքով՝ այն տեղեկությունները, որ ստացել են հանդիպումների արդյունքում, օգտագործվել է ընդհանուր եզրակացություն կազմելու և Կառավարությանը ներկայացրած առաջարկության ձևավորման համար։
Մանրամասները՝ տեսանյութում։
