18.04.2026 | 20:30
TikTok-յան քաղաքական պատերազմներ․ ինչպես են ԱԲ-ով կեղծում իրականությունը․ ՏԵՍԱՆՅՈւԹ
Կոնյակի և գինու արտադրությունները սուբսիդավորող վարկ կտրվի՝ մթերումն իրականացնելու համար. նախարար. ՏԵՍԱՆՅՈՒԹ
Տնտեսություն
13.08.2020 | 12:22
Կառավարության այսօրվա նիստում հաստատվեց կորոնավիրուսի տնտեսական հետևանքների չեզոքացման 24-րդ միջոցառումը, որը վերաբերում է խաղողագործների բերքի իրացմանը։
Նախագիծը ներկայացրեց Էկոնոմիկայի նախարար Տիգրան Խաչատրյանը։ «Առջևում խաղողի մթերումներն են, և մենք տեղեկություններ ունենք, որ այս տարի խաղողի բերքը զգալիորեն ավելի է, քան նախորդ մի քանի տարիների ընթացքում։ Մենք երկար քննարկումներ ենք ունեցել ոլորտը ներկայացնող հիմնական կազմակերպությունների հետ և փորձել ենք հասկանալ, թե ինչպես կարող ենք օգնել, որպեսզի այդ կազմակերպությունները իրենց խնդիրները լուծեն և, որ ավելի կարևոր է, գյուղացիական տնտեսությունները, որոնք որ ունեն խաղողի արտադրանք, ժամանակին կարողանան իրենց արտադրանքը իրացնել և վճարվել այդ մթերվող խաղողի դիմաց։ Փորձել ենք մնալ Կառավարության աջակցության ներկա գործիքակազմի սահմաններում, իսկ մեր գործիքակազմը մթերումների շրջանում մթերող կազմակերպություններին՝ կոնյակի և գինու արտադրությամբ զբաղվող կազմակերպություններին սուբսիդավորող վարկերի հատկացումն է»,- նշեց նախարարը։
Վերջինիս խոսքով՝ վարկն ունի որոշակի պայմաններ և նախարարությունը փորձել է այդ վարկի պայմանների փոփոխության ձևաչափը համաձայնեցնել այնպես, որ 2020 թվականի ընթացքում կազմակերպությունների հիմնական մասը ունենան բավարար պայմաններ խաղողն ամբողջ ծավալով մթերելու համար։
Մանրամասները՝ տեսանյութում։
