09.10.2026 | 16:32
Ռուբինյանն ընդունել է Հայաստանում ԵՄ դիտորդական առաքելության ղեկավարին
Հուսով եմ՝ այսօր արտակարգ դրությունը երկարաձգվում է վերջին անգամ․ Ավինյան. ՏԵՍԱՆՅՈՒԹ
12.08.2020 | 14:47
ՀՀ փոխվարչապետ, գլխավոր պարետ Տիգրան Ավինյանը հուսով է, որ այսօր Հայաստանում հայտարարված արտակարգ դրությունը երկարաձգվում է վերջին անգամ: Այս մասին նա ասաց Ազգային ժողովի հատուկ նիստի ընթացքում:
«Հուսով եմ՝ այսօր արտակարգ դրությունը երկարաձգվում է վերջին անգամ: Այսօր երկրում համաճարակաբանական վիճակը գնահատում ենք միջինից դեպի թեթև ընթացող ծանրության, իսկ առողջապահական համակարգի տեսանկյունից իրավիճակը լիովին վերահսկելի է: Բացարձակ թվերով օրական հաստատվող նոր դեպքերի թիվը դեռևս համարում ենք բարձր՝ միջինում շուրջ 100-200 հոգի, բայց եթե նախկինում նոր դրական դեպքերը հասնում էին 24 ժամվա ընթացքում կատարված հետազոտությունների 25-ից 30 տոկոսի, ապա ներկայումս այդ թիվը տատանվում է 10-15 տոկոսի միջակայքում»,- ասաց Ավինյանը:
Նշենք, որ Ազգային ժողովի հատուկ նիստում քննարկվում է Հայաստանում հայտարարված արտակարգ դրությունը ևս 1 ամսով երկարաձգելու հարցը:
Մանրամասները՝ տեսանյութում։
