24.02.2026 | 19:10
Քրեակատարողական ծառայողները ձերբակալել են «Նուբարաշեն» ՔԿՀ այցելած փաստաբանին
Երկրորդ հնարավոր ալիքի հավանականություն կա․ հիմնական ռիսկը կապված է դպրոցների բացման հետ․ Ավինյան
12.08.2020 | 14:39
Արդյոք պարետատունը հաշվարկե՞լ է արտակարգ դրության ընթացքում սահմանափակումների մեղմացման ռիսկերը։ Այս հարցն այսօր ԱԺ հատուկ նիստում ՀՀ գլխավոր պարետ Տիգրան Ավինյանին ուղղեց «Իմ քայլը» խմբակցության պատգամավոր Արթուր Հովհաննիսյանը։
«Խոսք է գնում, որ եղանակի փոփոխությամբ պայմանավորված վարակը կարող է ակտիվանալ։ Հավաքների անցկացումը, միջոցառումների անցկացումը, մասնակիցների քանակի ավելացումը, ըստ Ձեզ, ռիսկեր պարունակում է, թե՞ ոչ»,- հարցրեց պատգամավորը։
Ավինյանն ի պատասխան նշեց, որ յուրաքանչյուր մեղմացում իր մեջ պարունակում է համաճարակային իրավիճակում թվերի ավելացման որոշակի ռիսկեր․ «Երկրորդ հնարավոր ալիքի հավանականությունը կա և այդ առումով էական ռիսկը կապված է լինելու դպրոցների բացման հետ, որովհետև ենթադրվում է մեծաքանակ մարդկանց տեղաշարժ։ Այնուամենայնիվ, մեր գնահատմամբ՝ այդ ռիսկը ևս կառավարելի է՝ թե՛ առողջապահական համակարգն է պատրաստ հնարավոր բռնկման, թե՛ մենք կառավարման պլաններով ունենք այլընտրանքային խստացումների մեխանիզմներ, որոնք որոշակի թվերի պայմաններում ուղղակի իրականացնելու ենք»,- նշեց Ավինյանը։
Մանրամասները՝ տեսանյութում։
