Վլադիմիր Գասպարյանի կողմից ճարահատյալ հարցազրույց էր, բոլորս ճանաչում ենք իրեն. Ալեն Սիմոնյան. ՏԵՍԱՆՅՈՒԹ

ԱԺ փոխխոսնակ, «Իմ քայլը» խմբակցության պատգամավոր Ալեն Սիմոնյանն այսօր խորհրդարանում Factor.am-ի խնդրանքով անդրադարձավ նախկին ոստիկանապետ Վլադիմիր Գասպարյանի վերջին հարցազրույցին, որում վերջինս «գժեր, սթափվեք» կոչով դիմեց իշխանություններին ու հայտարարեց, թե ինքը ոչ թե անցյալ, այլ ապագա է։

«Անձամբ ճանաչում եմ Վլադիմիր Գասպարյանին ու կարող եմ ասել, որ քաղաքական ու իրավական գնահատական հարթակից դուրս շատ նորմալ եմ վերաբերվում նրան։ Համարում եմ, որ իր վարքագծի մեջ՝ կապված «Ազատության» լրագրողների հետ, չափն անցել է և պետք է մնար օրենքի շրջանակներում։ Ինչ վերաբերում է իր հայտարարություններին, ապա կարծում եմ, որ ճարահատյալ հարցազրույց էր, որով փորձ էր կատարվում շտկել նախօրեին կատարված միջադեպը, սակայն չստացվեց»,- ասաց Սիմոնյանը։

Նա շեշտեց, որ, մեղմ ասած, համակարծիք չէ Գասպարյանի այն պնդման հետ, թե իր օրոք Ոստիկանությունն ապաքաղաքական կառույց է եղել, ինչը չի կարելի ասել այսօրվա մասին։

«Բոլոր դեպքերը՝ սկսած տոնածառի պատմությունից ու վերջացրած «Սասնա ծռերի» շուրջ զարգացումներով, «Էլեկտրիկ Երևան» շարժման ժամանակ, երբ Բաղրամյան փողոցում իրականացվեց և այլն, շատ քաղաքականացված էր։ Մի խոսքով՝ մարդկանց մոտ տպավորություն է, թե ՀՀ քաղաքացիները շատ շուտ մոռանում են կամ մոռանալու են այն ամենը, ինչ եղել է։ Ես շատ կցանկանայի, որ ձեզնից մեկը հարցազրույց վերցներ նրանից, որ կխոսեր իր Արշակից, այն քաղաքական գործերից, որոնց այդ տարիներին մենք ականատես ենք եղել։ Իրեն էլ եմ ասել, որ վատ եմ վերաբերում իր գործունեությանը, ինքը, երբ վերև է նայում, Աստծո մասին է խոսում, պետք է հասկանա, որ պատասխան է տալու ոչ իշխանութունների առաջ»,- ասաց Ալեն Սիմոնյանը։

Մանրամասները՝ տեսանյութում:

Մերի Մարտիրոսյան