07.06.2026 | 13:37
Ժամը 11:00-ի դրությամբ՝ քվեարկության ակտիվությունն ամենաբարձրն է վերջին 10 տարում
Գեղասահքի ՀՀ բաց առաջնության չեմպիոններ են դարձել մեր առաջատար գեղասահորդները․ ՀՀ սպորտի նախարարություն
24.05.2017 | 18:49
Մայիսի 22-ից 23-ը Երևանի Իրինա Ռոդնինայի անվան մարզադպրոցում կայացած գեղասահքի Հայաստանի Հանրապետության բաց առաջնության չեմպիոններ են դարձել մեր առաջատար գեղասահորդները. տեղեկացնում է ՀՀ սպորտի և երիտասարդության հարցերի նախարարությունը։
Թե՛ կարճ և թե՛ երկար ծրագրերում տղամարդկանց մենասահքում հաղթող է դարձել Սլավիկ Հայրապետյանը, իսկ կանանց մենասահքում՝ Անաստասիա Գալուստյանը: Առաջնությանը մասնակցող Թինա Կարապետյան-Սայմոն Պրու Սենեկալ միակ պարային զույգը, բնականաբար, գրավել է առաջին տեղը:
Տեղեկացնենք, որ գեղասահքի Հայաստանի Հանրապետության հավաքականի բոլոր՝ այդ թվում նաև առաջատար մարզիկների մասնակցությունը ՀՀ առաջնությանը անհրաժեշտ է արդյունքները գեղասահքի միջազգային ֆեդերացիա ներկայացնելու համար:
Առաջնության պարգևատրման հանդիսավոր արարողությանը ներկա են գտնվել և մրցանակակիրներին պարգևատրել են ՀՀ սպորտի և երիտասարդության հարցերի նախարարի տեղակալ Գաբրիել Ղազարյանը և աշխատակազմի ղեկավար Վահե Էլոյանը:
Նշենք, որ գեղասահքի ՀՀ բաց առաջնությանը մասնակցել են 100-ից ավել մարզիկ-մարզուհիներ՝ Հայաստանի Հանրապետությունից, Կանադայից, Ուզբեկստանից և Ռուսաստանի Դաշնությունից:
