08.11.2024 | 22:29
Ֆինլանդիան ՆԱՏՕ-ին առաջարկել է իր տարածքում ԱԹՍ-ների ռազմաբազա տեղակայել
Աշխարհում COVID-19-ի հաստատված դեպքերի թիվը 18 միլիոնին է մոտենում․worldometers.info
Քաղաքականություն
01.08.2020 | 15:59
2019-ի դեկտեմբերից մինչ օրս աշխարհում 17․7 միլիոն մարդ COVID-19-ով է վարակվել, 683 հազարից ավելին՝ մահացել։ Այս մասին տեղեկանում ենք COVID-19-ի համաշխարհային վիճակագրությունը ներկայացնող worldometers.info կայքից։
Ըստ աղբյուրի հրապարակած տվյալների՝ աշխարհում վարակման ակտիվ դեպքերն այժմ 5․9 միլիոն են, որոնցից 65․595-ը՝ ծանր կամ ծայրահեղ ծանր վիճակում։
Վարակման հաստատված դեպքերի թվով առաջատարներն են ԱՄՆ-ն (4.7 մլն դեպք), Բրազիլիան (2.6 մլն դեպք), Հնդկաստանը (1.7 մլն), Ռուսաստանը (839 հազարից ավելի) և Հարավային Աֆրիկան (493 հազարից ավելի)։
Հայաստանը, որտեղ օգոստոսի 1-ի դրությամբ COVID-19-ի 38.841 հաստատված դեպք կա, 1 մլն բնակչությանը բաժին ընկնող վարակման դեպքերով աշխարհում 11-րդ տեղում է, իսկ տարածաշրջանում՝ առաջին։
Նելլի Մելքոնյան
