28.11.2024 | 14:40
Կոբախիձեն կրկին ընտրվել է Վրաստանի վարչապետ․ խորհրդարանը հավանություն է տվել կառավարության կազմին
ԱՄՆ կոնգրեսականները քննարկում են ընտրությունները հետաձգելու մասին Թրամփի թվիթերյան գրառումները
Քաղաքականություն
01.08.2020 | 10:00
ԱՄՆ նախագահ Դոնալդ Թրամփն առաջին անգամ առաջարկում է հետաձգել այս տարվա նախագահական ընտրությունները՝ այդ մասին գրելով Թվիթերի իր էջում և գրավելով աշխարհի ուշադրությունը: Այդգրառմամբ նա առանց ապացույցների պնդում է, որ փոստով քվեարկությունը կարող է դառնալ «պատմության մեջամենասխալ և կեղծ ընտրությունները», գրում է «Ամերիկայի ձայնը»։
Թրամփը խնդրում է հետաձգել ընտրությունները, մինչև մարդիկ կարողանան պատշաճ և անվտանգ քվեարկել:
Նախագահն իրավունք չունի հետաձգել ընտրությունները, որոնք պետք է անցկացվեն նոյեմբերի 3-ին: Ըստ ԱՄՆՍահմանադրության՝ ամսաթիվը հաստատում է Կոնգրեսը:
Նախագահի գրառումն այն ժամանակ էր, երբ պետքարտուղար Մայք Պոմպեոն ցուցմունք էր տալիս Սենատինիստում Պետդեպարտամենտի բյուջեի առաջարկվող կրճատումների վերաբերյալ:
Մի քանի դեմոկրատ սենատորներ ասել են, որ զարմացել են Թրամփի գրառումից և հարցրել Պոմպեոյին, թե արդյոքնախագահը կարող է հետաձգել ընտրությունները:
Սենատոր Թիմ Քեյն. «Դուք այս վարչակազմի ամենապատրաստված և փորձառու իրավաբաններից եք: Կարո՞ղ է նախագահըհետաձգել նախագահական ընտրությունները»:
Պոմպեո. «Արդարադատության նախարարությունը և մյուսներն այդ որոշումը կկայացնեն: Մենք բոլորս պետք է ցանկանանք,գիտեմ, որ դուք էլ եք ուզում համոզվել, որ կունենանք ընտրություն, որի արդյունքների վրա բոլորը վստահ կլինեն»:
Դեմոկրատական սենատոր Թոմ Ուդալն էլ ասաց՝ մտահոգություններ է լսում այն մասին, թե արդյոք ԱՄՆ-ն կշարունակիժողովրդավարության լավ օրինակ լինել ամբողջ աշխարհում, երբ նախագահ Թրամփը հրաժարվեց ասել՝ կընդունի արդյո՞քնոյեմբերյան ընտրությունների արդյունքները:
Նա այս հարցն ուղղեց Պոմպեոյին:
Պոմպեո. «Դուք պետք է իմանաք, ես բազմիցս ասել եմ այս հանձնաժողովին, որ ես կհետևեմ օրենքի գերակայությանը,կհետևեմ Սահմանադրությանը: Ես կշարունակեմ դա անել ամեն օր»:
Ներկայացուցիչների պալատի հանրապետական փոքրամասնության առաջնորդ, Քեվին Մաքքարթիի խոսքով՝ ԱՄՆընտրությունները պետք է անպայման անցկացվեն նոյեմբերի 3-ին, ինչպես նախատեսված է:
«Ես հասկանում եմ նախագահի անհանգստությունը փոստով քվեարկության վերաբերյալ: Բայց դաշնային ընտրություններիպատմության մեջ մենք երբևէ չանցկացված ընտրություններ չենք ունեցել: Դրանք անշուշտ պետք է իրենց ժամկետին կայանան»:
Ինչ վերաբերում է փոստով քվեարկությանը, պատասխանատու գերատեսչությունները «Ամերիկայի ձայնին» փոխանցել են,որ չեն տեսնում ընտրության անվտանգությանը սպառնող որևէ զարգացում:
