27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Համոզմունք հայտնենք, որ Ռոմանոս Պետրոսյանը նույնքան կամ ավելի արդյունավետ կլինի նախարարի կարգավիճակում․ Նիկոլ Փաշինյան․ ՏԵՍԱՆՅՈՒԹ
Քաղաքականություն
31.07.2020 | 13:51
Վարչապետ Նիկոլ Փաշինյանն այսօր Շրջակա միջավայրի նախարարության աշխատակազմին ներկայացրեց նորանշանակ նախարար Ռոմանոս Պետրոսյանին: Վարչապետը շնորհավորեց Պետրոսյանին պաշտոնամուտի առթիվ և շնորհակալություն հայտնեց Էրիկ Գրիգորյանին՝ բնապահպանության, ապա՝ շրջակա միջավայրի նախարարի պաշտոնում գործունեության համար:
Նիկոլ Փաշինյանը շնորհակալություն հայտնեց նաև Վահե Ջիլավյանին՝ այս ընթացքում Շրջակա միջավայրի նախարարի պարտականությունները պատշաճ կատարելու համար:
Խոսելով Կոտայքի նախկին մարզպետ, այժմ արդեն շրջակա միջավայրի նորանշանակ նախարար Ռոմանոս Պետրոսյանի մասին՝ վարչապետն ասաց. «Պարոն Պետրոսյանն այստեղ տեղափոխվում է Կոտայքի մարզպետի պաշտոնից, և պետք է արձանագրենք, որ այդ կարգավիճակում նա բավականին արդյունավետ գործունեություն է ծավալել: Եվ հույս ու համոզմունք պետք է հայտնենք, որ նույնքան կամ ավելի արդյունավետ կլինի այդ գործունեությունը շրջակա միջավայրի նախարարի կարգավիճակում»։
Մանրամասները՝ տեսանյութում։
Մերի Մարտիրոսյան
