19.09.2026 | 11:33
Նավթի գները նվազել են
Եթե թուլացնենք զգոնությունը, կարող ենք վերադառնալ ամենաճգնաժամային իրավիճակին. Փաշինյան. ՏԵՍԱՆՅՈՒԹ
Քաղաքականություն
29.07.2020 | 18:25
Վարչապետ Նիկոլ Փաշինյանը կոչ է անում քաղաքացիներին ավելի մեծ զգոնությամբ պահպանել հակահամաճարակային կանոնները, որովհետև մենք ստացել ենք շանս՝ հաղթահարելու այս ճգնաժամը։ Այս մասին նա հայտարարեց այսօր պարետատան նիստից հետո ճեպազրույցի ընթացքում։
«Իհարկե՝ և՛ տեսչական մարմինները, և՛ Ոստիկանությունը շարունակելու են ուժեղ վերահսկողություն իրականացնել։ Ես տեղյակ եմ նաև, որ շատ քաղաքացիներ այս թվերի նվազման ֆոնին ակնկալում են սահմանափակումների որոշակի թուլացումներ։ Նշեմ, որ դա մեր ամենօրյա օրակարգի հարց է, և որևէ մեկը Կառավարությունից ավելի շահագրգռված չէ այդ հարցում։ Մենք բոլոր այն դեպքերում, երբ համոզվում ենք, որ կա այդպիսի օբյեկտիվ հնարավորություն, օգտագործում ենք և կայացվում են որոշումներ, իսկ այն մասերով, որոնցով այդ որոշումը չի կայացվում, նշանակում է՝ մենք տեսնում ենք, որ դեռևս Հայաստանը այդպիսի համաճարակային կանոնների թուլացումների պատրաստ չէ»,- նշեց Փաշինյանը։
Նա նաև կոչ արեց օգտագործել այս հնարավորությունը և արձակուրդն անցկացնել Հայաստանի Հանրապետության տարածքում՝ այդպիսով զարգացնելով ներգնա տուրիզմը։
Մանրամասները՝ տեսանյութում։
