28.11.2024 | 13:31
Իրանի ԱԳ նախարարը հայտարարել է Իսրայելի հետ լայնամասշտաբ պատերազմի պատրաստակամության մասին
Հունաստանի և Թուրքիայի հարաբերությունները դարձյալ սրվել են
Քաղաքականություն
23.07.2020 | 20:18
Հունաստանի և Թուրքիայի հարաբերությունները դարձյալ լարված են։ Լարվածության պատճառը Թուրքիայի նոր սադրանքներն են, գրում է ermenihaber-ը։
Տարբեր պատրվակներով Թուրքիան շարունակում է ոտնձգություններ իրականացնել Հունաստանի տարածքների նկատմամբ՝ խախտելով վերջինիս ինքնիշխանության իրավունքը։
Հուլիսի 21-ին թուրքական կողմը հայտարարել էր «Օրուչ Ռեիս» նավի մասնակցությամբ հունական Մեիս կղզու հարավային և արևելյան հատվածներում սեյսմիկ հետազոտություններ իրականացնելու իր մտադրության մասին։ Հունաստանի արտգործնախարարությունն անմիջապես հանդես է եկել Թուրքիայի այդ մտադրությունը դատապարտող հայտարարությամբ։
Թուրքիայի ԱԳ նախարարությունն էլ հակադարձել է՝ փորձելով արդարացնել իր քայլերը իբր միջազգային իրավունքով նախատեսված նորմերով։
Հունաստանն իր հերթին հաստատակամ է տրամադրված Թուրքիայի նմանատիպ ոտնձգությունները կանխելու առումով և հայտարարել է, որ եթե Թուրքիան հետքայլ չկատարի, ապա Եվրոպական Միությունը պարտավոր է խիստ պատժամիջոցներ կիրառել վերջինիս նկատմամբ։
