01.07.2026 | 11:49
Իրանն առաջնահերթություն է տալիս ԱՄՆ-ի հետ դիվանագիտությանը, բայց շարունակում է պատրաստ լինել պատերազմի․ Ղալիբաֆ
Բուհ չընդունված դիմորդների համար անհնար է հավելյալ տեղեր հատկացնել. փոխնախարար
Հասարակություն
22.07.2020 | 20:02
Բուհ չընդունված դիմորդների ծնողների և դիմորդների ու ԿԳՄՍ փոխնախարար Գրիշա Թամրազյանի հանդիպումն ավարտվել է:
Քննարկման ժամանակ փոխնախարարը նշել է, որ անհնար է հավելյալ տեղեր հատկացնել դուրս մնացած 739 դիմորդների համար, հատկապես, որ այժմ լրացուցիչ փուլով դիմորդներից ավելի քան 550-ը հայտ է ներկայացրել՝ մասնակցելու թափուր տեղերի մրցույթին։
Հանդիպման մասնակից ծնողներից մեկը նշել է, որ այդ 550-ի մեծ մասը ստիպված է դիմել այդ քայլին՝ վերջին հնարավորությունից չզրկվելու համար, սակայն դա չի նշանակում, որ համաձայն են հիմնական մրցույթի արդյունքների հետ։
Պայմանավորվածություն է ձեռք բերվել՝ վաղը նամակ-առաջարկ ներկայացնել ԿԳՄՍ նախարարություն՝ որպես լիազոր մարմնի, միայն այն դիմորդների կողմից, որոնք չեն ընդունվել բուհ, կամ եթե որևէ հայտով անցել են, պատրաստ են դրանից հրաժարվել՝ հասկանալու համար նաև, թե 739 դիմորդից քանիսն են, որ դժգոհություններ ունեն։
Առաջարկվել է նաև, որ ԿԳՄՍ նախարարը վաղը Կառավարության նիստին ներկայացնի խնդիրը ու հնարավոր լուծումները:
