18.11.2024 | 11:33
Օպերայի շրջակայքի շինությունները, ամենայն հավանականությամբ, քանդելու ենք․ Ավինյան․ ՏԵՍԱՆՅՈՒԹ
Սոֆիայի տաճարը մզկիթի վերածելու որոշումը հետաձգվեց 15 օրով. BBC
Քաղաքականություն
02.07.2020 | 13:16
Թուրքիայի բարձրագույն վարչական դատական մարմինը՝ Պետական խորհուրդը, հետաձգել է Ստամբուլի Սուրբ Սոֆիայի տաճարը մզկիթի վերածելու որոշումը, հաղորդում է BBC-ն։
Ընդամենը 17 րոպե տևած դատական նիստից հետո խորհուրդը հայտարարել է, որ որոշումը կհրապարակվի 15 օրվա ընթացքում:
1500 տարվա պատմություն ունեցող այս շինությունը, որն ընդգրկված է UNESCO-ի համաշխարհային մշակույթային ժառանգության ցանկում, նախքան մզկիթի վերածվելը եղել է տաճար, իսկ 1930-ականներին՝ թանգարան: Այժմ այն կարող է կրկին մզկիթի վերածվել, եթե դատարանը հավանություն տա առաջարկին:
Սուրբ Սոֆիայի տաճարը կրկին մզկիթ դարձնելու կոչով հանդես էր եկել Թուրքիայի նախագահ Ռեջեփ Թայիփ Էրդողանը անցյալ տարի նախընտրական քարոզարշավի ժամանակ։
Թուրքիայի իսլամիստները վաղուց են կոչ անում թանգարանը վերածել մզկիթի, սակայն բազմաթիվ կրոնական և քաղաքական կազմակերպություններ դեմ են այդ առաջարկին:
Արևելյան Ուղղափառ եկեղեցու ղեկավարը, ինչպես նաև Հունաստանը, որտեղ ապրում են ուղղափառ եկեղեցու միլիոնավոր հետևորդներ, քննադատել են այդ քայլը: Հունաստանի մշակույթի նախարար Լինա Մենդոնին մեղադրել է Թուրքիային «ազգայնական և կրոնական ֆանատիկ տրամադրությունները» վերակենդանացնելու փորձերի մեջ՝ ընդգծելով, որ ՅՈՒՆԵՍԿՕ-ի Համաշխարհային ժառանգության ցանկը չի կարող փոփոխությունների ենթարկվել առանց կառույցի ժառանգության պաշտպանության միջկառավարական կոմիտեի համաձայնության:
