19.04.2026 | 18:15
Փոփոխություններ՝ ՀՀ պետական և ոչ պետական բուհեր ըստ բակալավրի ու անընդհատ և ինտեգրացված կրթական ծրագրերի ընդունելության կարգում
Կարող ենք ևս 100-120 հազար թեստ արտադրել. մեկ թեստն արժենում է 2,5 դոլար. Արսեն Առաքելյան. ՏԵՍԱՆՅՈՒԹ
01.07.2020 | 11:31
Մոլեկուլային կենսաբանության ինստիտուտը հետազոտություններ է իրականացնում՝ ուղղված հակավիրուսային դեղամիջոցների կամ միացությունների հայտնաբերմանը, որոնք կարող են այս պահին օգտագործվել կորոնավիրուսի բուժման նպատակով։ Այս մասին այսօր հրավիրված ասուլիսի ժամանակ ասաց Մոլեկուլային կենսաբանության ինստիտուտի տնօրեն Արսեն Առաքելյանը։
«Դրանք այս պահին կրում են տեսական բնույթ, բայց կարող են ինչ-որ պահի անցնել փորձարարական փուլ։ Դեռևս մենք խոսում ենք գիտական հետազոտությունների մասին։ Արդեն կարողացել ենք նույնականացնել մի քանի շատ հետաքրքիր միացություն, որոնք ունեն լավ խնամակցություն վիրուսի սպիտակուցների հետ, ինչը թույլ է տալիս եզրակացնել, որ այդ միացությունները կկարողանան ճնշել վիրուսի ներթափանցումը բջիջ։ Բայց արդյունքից մինչև կիրառություն դեռ երկար ճանապարհ կա, և այդ ճանապարհը դեռ անցած չէ»,- նշեց Առաքելյանը։
Իսկ կորոնավիրուսն ախտորոշող թեստերի արտադրության համար Կառավարությունից ստացված 500 հազար դոլարից այս պահին օգտագործվել է 250 հազարը, արտադրվել է 100 հազար թեստ։
Արսեն Առաքելյանն ասաց՝ անհրաժեշտության դեպքում հնարավոր է այս միջոցներով արտադրել ևս 100-120 հազար թեստ։ Անդրադառնալով թեստերի արժեքին՝ նա նշեց, որ մեկ թեստի արտադրությունն արժենում է մոտ 2․5 դոլար, ինչը բավական մատչելի է՝ ներկրվող թեստերի հետ համեմատ։
Մանրամասները՝ տեսանյութում։
