Տեսանյութեր
19.06.2020 | 18:20Ձևավորվելիք փաստահավաք խմբի կազմը «Իմ քայլը» խմբակցության պատգամավոր Արուսյակ Ջուլհակյանին կասկածի տեղիք է տալիս՝ որքանո՞վ կկարողանա այդ սկզբունքով ձևավորված կազմը լեզու գտնել իրար հետ և աշխատել մեկ ուղղությամբ։ Այս մասին պատգամավորն ասաց այսօր «Փաստահավաք հանձնաժողով․ արդարության և ճշմարտության վերականգնման հնարավորություն» թեմայով քննարկման ընթացքում։
«Ինչ վերաբերում է նրան՝ արդյո՞ք քաղաքական մարմնի կողմից ձևավորված մարմինը կարող է լինել վերքաղաքական, պետք է նշեմ, որ, իհարկե, կարող է, որովհետև մենք այդպիսի բազմաթիվ մարմիններ ունենք, որոնք ձևավորված են քաղաքական մարմնի կողմից, ԱԺ-ի կողմից, և դրանց գործունեության հիմքում հենց քաղաքական չեզոքությունն է»,- նշեց պատգամավորը՝ ընդգծելով, որ այս հարցում մտահոգություն չունի։
Հիշեցնենք, որ ՀՀ Արդարադատության նախարարությունը մշակել և հանրային քննարկման է ներկայացրել «Հայաստանի Հանրապետության փաստահավաք հանձնաժողովի մասին» ՀՀ օրենքի և հարակից օրենքների նախագիծը։ Այս հանձնաժողովն օժտված է լինելու 1991-2018 թվականների ընթացքում Հայաստանի Հանրապետությունում տեղի ունեցած մարդու իրավունքների զանգվածային և պարբերական խախտումների դեպքերը և դրանց պատճառներն ուսումնասիրելու, դրանց վերաբերյալ տեղեկություններ հավաքագրելու և դրանց կրկնության բացառմանն ուղղված առաջարկություններով հանդես գալու իրավասությամբ:
Մանրամասները՝ տեսանյութում։
