10.08.2026 | 18:20
«Ոսկե գնդակի» ֆավորիտների ցանկը՝ ըստ Sports Illustrated-ի
Հանրային Հ/Ը եթերում իշխանության ներկայացուցիչները եղել են 42 անգամ, ընդդիմությանը՝ 4-5 անգամ․ Սամսոնյան. ՏԵՍԱՆՅՈՒԹ
Տեսանյութեր
17.06.2020 | 11:04
Հանրային հեռուստաընկերության քաղաքական հարցազրույցի ժանրի հաղորդումներից մեկում իշխանության ներկայացուցիչները հյուրընկալվել են մոտ 42 անգամ, իսկ ընդդիմությունը՝ 4-5: Այս մասին այսօր Ազգային ժողովում Հեռուստատեսության և ռադիոյի հանձնաժողովի 2019թ. գործունեության հաշվետվության քննարկման ժամանակ ասաց «Լուսավոր Հայաստան» խմբակցության պատգամավոր Անի Սամսոնյանը։
Նա նկատեց, որ զեկույցում ասված է՝ Հանրային հեռուստաընկերությունը հիմնականում ապահովել է քաղաքական, տնտեսական, սոցիալական խնդիրների վերաբերյալ տեսակետների ներկայացումը լրատվական թողարկումներում և հարցազրույցներում:
«Դուք կարծում եք, որ այս հարաբերակցությունն ապահովո՞ւմ է քաղաքական կարծիքի բազմազանությունը»,- հարց ուղղեց Սամսոնյանը ՀՌՀ նախագահ Տիգրան Հակոբյանին:
Հակոբյանը նշեց, որ իր զեկույցը վերաբերում է նախորդ տարվան։ ՀՌՀ նախագահն այնուհետև պարզաբանեց՝ իրենք չեն խոսում ընդդիմության և իշխանության ներկայացուցիչների հավասարության մասին, և որևէ երկրում նման օրենսդրական պահանջ չկա:
«Մենք խոսում ենք կարծիքի բազմազանության մասին»,- նշեց ՀՌՀ նախագահը։
Մանրամասները՝ տեսանյութում։
