04.04.2025 | 23:39
Հայաստանն ընտրվել է ՄԱԶԾ-ի, ՄԱԿ Բնակչության հիմնադրամի և ՄԱԿ Ծրագրերի իրականացման գրասենյակի գործադիր խորհրդի անդամ
Ռուբեն Մելիքյանն ազատ է արձակվել. կան այլ բերման ենթարկվածներ
Հասարակություն
12.06.2020 | 15:35
«Իրավական ուղի» ՀԿ համահիմնադիր, իրավապաշտպան Ռուբեն Մելիքյանն ազատ է արձակվել։ Այս մասին նա տեղեկացրեց ֆեյսբուքյան ուղիղ եթերով։ Մելիքյանը, հիշեցնենք, այսօր ԱԺ-ի մոտ միայնակ բողոքի ակցիա էր կազմակերպել՝ պահանջելով քաղաքացիներին վերադարձնել ազատ հավաքներ իրականացնելու իրավունքը, որը սահմանափակված է մարտի 16-ից հայտարարված եւ մի քանի անգամ երկարաձգված արտակարգ դրության պայմաններում։ Մելիքյանը բերման էր ենթարկվել՝ ոստիկանների պահանջը չկատարելու համար։ Նշենք, որ նրա հետ բերման էր ենթարկվել ևս երեք անձ։
Ռուբեն Մելիքյանը նաև տեղեկացրեց, որ ազատ արձակվելուց հետո կրկին գնում է Արաբկիրի Ոստիկանություն, այս անգամ՝ որպես փաստաբան։
Մելիքյանին և մյուսներին բերման ենթարկելուց հետո Արաբկիրի Ոստիկանության շենքի մոտ մի խումբ մարդիկ հավաքվել են բողոքի ակցիայի։
Հավելենք, որ «Բարգավաճ Հայաստան» խմբակցության պատգամավոր Նաիրա Զոհրաբյանի փոխանցմամբ՝ այս պահին միայն Արաբկիրի Ոստիկանությունում կա 18 բերման ենթարկված անձ։
Լիլիթ Շաբոյան
