11.02.2026 | 17:35
Shield AI-ի հետ քննարկվել են ռազմարդյունաբերության ոլորտում համագործակցության հեռանկարները
Թերակատարումներն իրար հետևից գնում են․ ո՞րն է պատճառը․ պատգամավորը՝ նախարարին. ՏԵՍԱՆՅՈՒԹ
Քաղաքականություն
08.06.2020 | 15:17
ԱԺ տնտեսական ու ֆինանսավարկային և բյուջետային հարցերի մշտական հանձնաժողովների համատեղ նիստում քննարկվում է Պետական բյուջեի 2019 թվականի կատարողականը։
«Լուսավոր Հայաստան» խմբակցության պատգամավոր Գուրգեն Բաղդասարյանը Էկոնոմիկայի նախարար Տիգրան Խաչատրյանի հարց ուղղեց թերակատարումների վերաբերյալ։
«Փոքր և միջին ձեռնարկատիրության աջակցության մասով թերակատարվել է մոտավորապես 28․8 տոկոս, արտահանմանն ուղղված արդյունաբերական ապրանքների քաղաքականության մասով թերակատարվել է 20․6 տոկոս, գյուղատնտեսական բլոկում էլ կան թերակատարումներ։ Որ ընդհանրացնեմ՝ ո՞րն է պատճառը այդ թերակատարումների։ Միգուցե կադրերի խնդիրն է, միգուցե կառավարման, Դուք ի՞նչ կարծիք ունեք, որտե՞ղ են սխալները, որ թերակատարումները հերթով իրար հետևից գնում են»,- նշեց պատգամավորը։
Նախարարը նշեց, որ արտահանումների մասով ոչ թե թերակատարում է եղել, այլ Կառավարությունը պատրաստ է եղել աջակցել ավելի շատ, եթե մասնավոր հատվածը ցանկություն ունենար մասնակցել միջոցառումներին, իսկ այդ հնարավորությունները մինչև վերջ չեն օգտագործվել։
Մանրամասները՝ տեսանյութում։
