27.10.2026 | 10:50
ԱԳՄԱ նախարար Արարատ Միրզոյանի և Նիդերլանդների ԱԳ նախարար Թոմ Բերենդսենի համատեղ ասուլիսը. ՈՒՂԻՂ
Երևանի տարբեր վայրերում կհնչեն Արամ Խաչատրյանի անմահ ստեղծագործությունները
Մշակույթ
04.06.2020 | 18:22
ԿԳՄՍ նախարարությունից տեղեկացնում են, որ Արամ Խաչատրյանի ծննդյան օրվա առթիվ հունիսի 6-ից Երևանի տարբեր հատվածներում քաղաքացիներին սպասում են անակնկալներ:
«Արամ Խաչատրյանի տուն-թանգարանը, համագործակցելով այս ոլորտում փորձառություն ունեցող «ԱՐԼՈՒՊԱ» կազմակերպության հետ, տեղեկատվական տեխնոլոգիաների ներդրմամբ իրականացրել է տարբեր ծրագրեր՝ թանգարանում և թանգարանից դուրս: Այս անգամ տուն-թանգարանը և «ԱՐԼՈՒՊԱ» ընկերությունը Արամ Խաչատրյանի ծննդյան օրը՝ հունիսի 6-ին կներկայացնեն կոմպոզիտորի տասը ստեղծագործություն ունկնդրելու հնարավորություն: Բջջայինում ներբեռնելով «ԱՐԼՈՒՊԱ» ընկերության անվճար հավելվածը և գտնվելով հավելվածի քարտեզում նշված վայրում (օրինակ՝ Հյուսիսային պողոտա, Հանրապետության հրապարակ, Ա. Խաչատրյանի հուշարձան, Ա. Խաչատրյան փողոց և այլն)` կարող եք վայելել կոմպոզիտորի անմահ ստեղծագործությունները: Յուրաքանչյուր նշված կետում կհնչի մեկ ստեղծագործություն: Հավելվածը հնարավորություն է ընձեռում նաև նկարել տեսանյութ և այն տեղադրել սոցիալական ցանցերում»,- ասված է հաղորդագրությունում:
