Երեկ մենք եղանք մի շարք գրասենյակներում, որտեղ 1000-ից ավելի կենսաթոշակառուների սպասարկման ծավալներ կային։ Մենք խնդիրներ ենք ունեցել կուտակումների հետ կապված։ Ինչպես բանկային համակարգում, դրսում ևս կուտակումներ ենք նկատել։ Այսօր Կառավարության նիստի ժամանակ այս մասին ասաց ՀՀ բարձր տեխնոլոգիական արդյունաբերության նախարար Հակոբ Արշակյանը։
««Հայփոստ»-ի բոլոր բաժանմունքների առջև խնդիր է դրվել, որպեսզի դրսում հերթը վերահսկեն։ Երեկ օրվա երկրորդ կեսին արդեն դրական տեղաշարժ ունեինք, գծանշվել են նաև փոստային մեծ բաժանմունքների դիմացի հատվածները, այսօր շարունակվել են աշխատանքները»,- նշեց նախարարը։
Նա հավելեց՝ երեկ պարետը որոշել է, որ այս ամիս ևս փոստատարների միջոցով թոշակները կառաքվեն տներ։
Մանրամասները՝ տեսանյութում։
