26.04.2026 | 13:50
Պլանային ջրանջատում Սյունիքում
Ձեզ պահեք Սերժի ժամանակվա պետականամետության կոնցեպտի ներքո․ Եղոյան. ՏԵՍԱՆՅՈՒԹ
Քաղաքականություն
03.06.2020 | 15:39
Ազգային ժողովի այսօրվա նիստում «Իմ քայլը» խմբակցության պատգամավոր Արման Եղոյանն անդրադարձավ համաճարակի վերաբերյալ ԲՀԿ-ական պատգամավորների ելույթներին՝ ընդգծելով, որ եղան որոշակի քաղաքական շահարկումներ։ Պատգամավորը կոչ արեց գործընկերներին պետականամետ վարք ցուցաբերել։
«Ես ուզում եմ խոսել 2000-ականներին Հայաստանի քաղաքական լեքսիկոն մտցված մի բառի մասին՝ պետականամետ։ Հիշո՞ւմ եք, այն ժամանակ այդ բառը մտցվեց մեր քաղաքական լեքսիկոն մի պարզ պատճառով, որ ինչ էլ անի իշխանությունը՝ թալանի, ընտրություն կեղծի, ընտրատեղամասում ծեծուջարդ անի, ասեին՝ դե, ժողովուրդ ջան, եկեք մեզ պահենք պետականամետ։ Պետությունն իրենք նույնացնում էին իշխանության հետ՝ հանցագործություններն ու թալանը ծածկելու համար։ Հիմա, երբ մեր պետությունը, մեր հասարակությունը բախվել է մի օբյեկտիվ խնդրի, որին բախվել են աշխարհի գերտերությունները, մեկը՝ մի քիչ հաջող, մեկը՝ մի քիչ պակաս հաջող փորձում է հաղթահարել այս խնդիրը, այստեղ է դրսևորվում, հարգելի՛ ընդդիմադիր գործընկերներ, ձեր պետականամետությունը։ Եկեք պատկերացնենք՝ մի 5 տարի առաջ ենք խոսում, պատկերացնենք, թե Սերժի ժամանակներն են, և խնդրում եմ, ժողովուրդ ջան, ձեզ պահեք Սերժի ժամանակների պետականամետության կոնցեպտի մեջ»,- ասաց Եղոյանը։
Մանրամասները՝ տեսանյութում։
