Քաղաքականություն
22.05.2017 | 13:53Եթե պատերազմն անխուսափելի է, ուրեմն պետք է սթափ ուղեղով պատրաստվել դրան․ այսօր լրագրողների հետ հանդիպմանը նման տեսակետ հայտնեց ազատամարտիկ Վահան Բադասյանը։
«Եթե ՀՀ-ն ու Արցախի իշխանությունները ընդունեն մեր միավորումը, ապա կվերջանա ամեն ինչ, իսկ այսպես շարունակելով Ադրբեջանին հույս ենք տալիս, որ կգրավի Արցախը ու ոչ միայն Արցախը, Զանգեզուրը, իսկ վերջերս նաև Երևանի մասին էր խոսք գնում»,- նկատեց ազատամարտիկը։
Ասուլիսի մյուս բանախոս, «Մոդուս Վիվենդի» կենտրոնի ղեկավար, քաղաքագետ և դիվանագետ Արա Պապյանը նշեց, որ շփման գծում վերջին զարգացումներից իր համար ամենակարևորը «Սպայկ» հրթիռի կիրառումն էր, որ մինչ այս չէր գործածվել։
«Երկրորդ կարևոր հանգամանքն ինձ համար, այն է, որ Ադրբեջանը անվստահելի կողմ է ու կոչը՝ տարածքներ զիջել Ադրբեջանի պարտավորությունների դիմաց, տրամաբանական չէ։ Երրորդ հանգամանքն այն է, որ ԵԱՀԿ Մինսկի խումբը ևս չկարողացավ կանխել»,- նշեց Պապյանը՝ հավելելով, որ ճիշտ է, այս անգամ ՄԽ-ի կոչը հասցեական էր, սակայն դատապարտումը չէ առաջնայինը։
Մանրամասները՝ տեսանյութում։
