26.04.2026 | 13:50
Պլանային ջրանջատում Սյունիքում
Քանաքեռ-Զեյթուն վարչական շրջանի աշխատակցին գույքով դուրս են արել. Թեհմինա Վարդանյան. ՏԵՍԱՆՅՈՒԹ
Տեսանյութեր
26.05.2020 | 17:14
Կանաչապատման հիմնարկի նորաթուխ տնօրենը՝ Արա Աղայանը, ում պաշտոնավարման մեկ ամիսը նույնիսկ չի բոլորել, կադրային ջարդ է իրականացնում, հրահանգներ է տալիս, մունաթ է գալիս: Այս մասին Երևանի ավագանու նիստին հայտարարեց «Լույս» խմբակցության անդամ Թեհմինա Վարդանյանը՝ ընդգծելով, թե տնօրենը քաղաքապետ Հայկ Մարությանի անձնական ընտրությամբ է նշանակվել:
«Երբ հիմնարկի տնօրենի մրցույթը երկու հոգի հաղթահարեց, արդեն գիտեինք՝ ով է նշանակվելու, Աղայանը քաղաքապետի սիրելի խորհրդական Կարեն Համբարձումյանի մտերիմներից է, և նա էր անցնելու: Պարոն Աղայանը հոխորտում է աշխատակիցների վրա, ստիպում է դիմումներ գրել, այդ թվում՝ հոգեբանական ճնշում է գործադրում, ստիպում է հեռախոսները թողնել դրսում, հետո միայն մտնել իր աշխատասենյակ, որի իրավունքն իհարկե չունի»,- հայտարարեց ավագանու անդամը, ապա հայտնեց, թե երեկ տեղեկություն է ստացել, որ Քանաքեռ-Զեյթուն վարչական շրջանի Կանաչապատման բաժնի պետը հրահանգավորվել է, որ դիմում գրի և հեռանա:
«Նա հրաժարվել է՝ դրա տակ հիմք չտեսնելով, և այսօր վարչական շրջանի ղեկավարն ու Կանաչապատման բաժնի պետն իրերով այդ մարդուն գույքով դուրս են հանել վարչական շրջանի շենքից»,- ասաց նա:
Մանրամասները՝ տեսանյութում:
Նարեկ Կիրակոսյան
