09.10.2026 | 15:58
Վերացնել կալանքը, դադարեցնել հետապնդումը․ Արթուր Դանիելյանի գործի առնչությամբ 11 ՀԿ-ներ հայտարարություն են տարածել
800 000 հազար աշխատավարձ եմ ստանում, գյուղվարկ չեն տալիս, որ սերմ առնեմ. գյուղացին՝ վարչապետին. ՏԵՍԱՆՅՈՒԹ
Տնտեսություն
23.05.2020 | 11:41
Գյուղացիները ֆինանսի կարիք ունեն, մեծ մասն ունի վատ վարկային պատմություն, և բանկերը հրաժարվում են վարկ տալ: Այս մասին այսօր՝ մայիսի 23-ին, վարչապետ Նիկոլ Փաշինյանի՝ Արարատի Մարզի Վերին Դվին համայնք այցի ժամանակ նշեցին գյուղացիները, որոնք, ի դեպ, բոլորը դիմակով էին:
«Հեռուստատեսությամբ տեսանք, որ եթե 4-5 գյուղացիներով միավորվենք, արդեն կարող ենք վարկ վերցնել: Հիմա մենք 4-5 գյուղացիներով, որ ունենք 10-12 հա հող, միավորվել ենք, բայց էլի բանկերը մերժում են: Առաջին հերթին երաշխիք են պահանջում, երաշխիքներ էլ չկան: Իսկ հնարավո՞ր է, որ այդ երաշխիքը ասենք ավագանին տա, որը բանկի համար ուժ ունենա»,- ասաց գյուղացիներից մեկը: Մյուսն էլ նշեց, որ հազար մետր ջերմոց է սարքում, 800 հազար աշխատավարձ է ստանում, բայց վարկ չեն տալիս, որ սերմացու գնի. «Աշնանը 5 մլն դրամ վարկ վերցրել եմ, տնամերձ հողեր եմ առել, վարկը փակում եմ, բայց հիմա 150 հազար դրամ եմ ուզում, չեն տալիս, ասում են ծանրաբեռնված է: Մեզ ասում են՝ օրական 4 դիմում ենք կարողանում սպասարկել, ընդհանրապես, 4 ամիս մոռացեք սուբսիդավորված վարկերի մասին, զրո տոկոս էլ չէ, 5 տոկոսով էլ չեն տալիս»:
Մանրամասենրը՝ տեսանյութում:
Նարեկ Կիրակոսյան
