07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
6-րդ դասարանցու պայուսակի քաշը հավասար է ԱԿՍ-74 ինքնաձիգի քաշին՝ փամփշտակալով, լիցքավորված 44 մմ ՌՊ նռնականետով՝ նռնակն էլ մեջը. Արման Սաղաթելյանը բարձրաձայնում է դպրոցականների պայուսակների քաշի խնդրի մասին
Հասարակություն
15.11.2017 | 17:36
ԱԺ ՀՀԿ խմբակցության պատգամավոր Արման Սաղաթելյանը ԱԺ-ում ելույթ ունենալիս անդրադարձավ կրթական ոլորտին, մասնավորապես՝ դպրոցականների պայուսակների քաշին:
«Վերջին շրջանում ես մի հետազոտություն եմ արել, որի արդյունքները ուզում եմ ներկայացնել ձեր ուշադրությանը: Ես կշռել եմ իմ և իմ ընկերների երեխաների դպրոցական պայուսակները, մոտ 15-20 տարբեր տարիքի երեխաների պայուսակներ, և միջինացված, 6-րդ դասարանի՝ 12 տարեկան երեխայի պայուսակը կշռել է 5 կգ 200 գ՝ առանց հավելյալ պարագաների՝ սպոտային համազգեսի և այլն,- ներկայացրեց պատգամավորը, ապա հավելեց:- Որպեսզի պատկերավոր լինի ասեմ, որ ճիշտ այդքան՝ 5 կգ 200 գ, կշռում է, օրինակ, ԱԿՍ-74 ինքնաձիգը լիցքավորված փամփշտակալով, վրան էլ ամրացված 44մմ ՌՊ նռնականետը՝ նռնակն էլ մեջը»:
Հիշեցնենք, որ վերոնշյալ թեման դեռևս սեպտեմբեր ամսին բարձրացրել էր Factor.am կայքը՝ իր «Դպրոցականի «ճիտին պարտքը». քանի՞ կիլոգրամ է կշռում գիտելիքը» վերտառությամբ հրապարակմամբ:
Առավել մանրամասն՝ տեսանյութում:
