09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Տեղից գոռացել եմ, որ Ալեն Սիմոնյանը սուտ է խոսում, մեզ նամակ չի գրել՝ մարդ են ծեծում, եկեք. ՏԵՍԱՆՅՈՒԹ
Քաղաքականություն
13.05.2020 | 12:07
Իշխանությունները սուտ են խոսում, ձեզ և հանրությանը մոլորեցնում են, որ, իբր, «Լուսավոր Հայաստանը» պայքարում է ապօրինի գույքի բռնագանձնման օրենքի պատճառով: Խորհրդարանական ճեպազրույցների ժամանակ այս մասին հայտարարեց «Լուսավոր Հայաստան» խմբակցության ղեկավար Էդմոն Մարուքյանը:
«Այդ օրենքը բերվել է խորհրդարան, «Լուսավոր Հայաստանը» ողջունել է և կողմ է քվեարկել, և ասել է, որ մենք ունենք առաջարկներ, որ այս օրենքը լավը դառնա, որ այն չվնասի ներդրումային միջավայրին Հայաստանում և որևէ պրոբլեմ չառաջացնի մեր երկրի համար: Տվել ենք շուրջ 30 առաջարկ: Ընդունվել է մի երկու առաջարկ, մերժվել են բոլոր մնացածը, որից հետո ասել ենք՝ քանի որ մեր տեսլականից դուրս եկաք, հիմա չենք կարող երկրորդ ընթերցմամբ կողմ քվեարկել, քվեարկել ենք ձեռնպահ: Հետևաբար, ուզում եմ արձանագրենք, որ դա շահարկում է»,- ասաց Մարուքյանը:
Ինչ վերաբերում է Ալեն Սիմոնյանի հետ կապված միջադեպին, ԼՀԿ ղեկավարն ասաց՝ Սիմոնյանը լցրել է իրենց համբերության բաժակը:
«Ալեն Սիմոնյանը բարձրացել է ամբիոն և ասել է, որ հեղափոխության ժամանակ մարդկանց փողոցներում ծեծելիս են եղել, ինքը sms է գրել մեզ՝ մեզանից ինչ-որ մեկին, և մենք դուրս չենք եկել շենքից: Ես վրդովվել եմ և տեղից գոռացել եմ, որ սուտ ես խոսում»,- ասաց նա:
Մանրամասները՝ տեսանյութում:
