02.02.2026 | 15:02
Դպրոցներից բռնության և դրամահավաքի մասին բողոքներ են ստացվել // ՌԴ ՊՆ-ն առաջխաղացման մասին է հայտնել․ ԼՈՒՐԵՐ
Եթե սեռական հնարավոր շահագործման սուբյեկտը նաև երեխաներն են, բա ո՞ւմ է պետք կրթել․ Սուրեն Գրիգորյան. ՏԵՍԱՆՅՈՒԹ
Հասարակություն
08.05.2020 | 17:35
Եթե սեռական հնարավոր շահագործման սուբյեկտը նաև երեխաներն են, բա ո՞ւմ է պետք կրթել։ Նման հարցադրում հնչեցրեց այսօր Ազգային ժողովում «Իմ քայլը» խմբակցության պատգամավոր Սուրեն Գրիգորյանը՝ ուղղված «Բարգավաճ Հայաստան» խմբակցության պատգամավոր Գևորգ Պետրոսյանին։
Հիշեցնենք, որ ԱԺ-ում քննարկվում է «Սեռական շահագործումից և սեռական բնույթի բռնություններից երեխաների պաշտպանության մասին» Եվրոպայի խորհրդի կամ, ինչպես հայտնի է, «Լանզարոտեի կոնվենցիան» վավերացնելու հարցը:
«Բարգավաճ Հայաստան» խմբակցության պատգամավոր Գևորգ Պետրոսյանն իր ելույթում նշել էր, որ այս կոնվենցիայի որոշ կետերում խնդիրներ է տեսնում։ «Ի՞նչ է նշանակում տարրական կրթություն ստացող: 1-4-րդ դասարանը համարվում է տարրական կրթություն, այդ հեքիաթից ու կաթից նոր կտրված էրեխուն էլ ուրիշ բան չունենք սովորեցնելու, պիտի սեռական շահագործումից պաշտպանվելը սովորեցնե՞նք»։
Պետրոսյանի հարցադրումներին ի պատասխան՝ Սուրեն Գրիգորյանը նշեց. «Բա ո՞ւմ է պետք կրթել, որպեսզի համապատասխան դիմադրություն ունենա այդ երեխան։ Այո՛, այդ հանգամանքը 6-րդ հոդվածով նախատեսված է, բայց նախատեսված է նաև այն, որ ցանկացած խմբի, և այդ թվում՝ տարրական դասարանների կրթության ծրագիրը մշակվելու է՝ ելնելով երեխայի զարգացման աստիճանից և այդ տարիքում երեխաների ընկալումներին։ Ավելին՝ այդ ծրագիրը ոչ թե մշակվելու է այլ սուբյեկտի, այլ ՀՀ իշխանության կողմից, և ես վստահեցնում եմ, որ բոլոր կարծիքներն այդ ժամանակ լսվելու են, այդ գործընթացը լինելու է մաքսիմալ ներառական»:
Մանրամասները՝ տեսանյութում:
