22.01.2026 | 23:29
ՀՀ տարածքում կան փակ ավտոճանապարհներ, Լարսը բաց է
«Ծառուկյան» խմբակցության պատգամավորները զայրացած են. ԱԺ նիստի մեկնարկին հերթով ելույթներ ունեցան
Քաղաքականություն
14.11.2017 | 10:55
Ազգային ժողովի լիագումար նիստերի հերթական նստաշրջանի մեկնարկն այսօր բուռն էր: «Ծառուկյան» խմբակցության պատգամավորները միմյանց հերթ չտալով բարձրաձայնեցին Հայաստանի տարբեր տոնավաճառների առևտրականներին հուզող խնդիրները:
ԱԺ փոխնախագահ Միքայել Մելքումյանը հայտնեց, որ խորհրդարանի բոլոր խմբակցություններին դիմել են, իր խոսքով, տոնավաճառների հազարավոր առևտրականներ՝ պահանջելով արձագանքել և լուծում տալ իրենց խնդիրներին:
«Մենք պահանջում ենք դադարեցնել տոնավաճառներում մարդկանց խուզարկությունը, իրավունք չկա օրենքին հակասող խուզարկություն անել: Առաջին մեծ տեղը որտեղ պետք է գնա հարկայինը դա գազամատակարարման համակարգն»,- հայտարարեց Մելքումյանը՝ առաջարկելով ստեղծել գազամատակարարման և գազաբաշխման քննիչ հանձնաժողով:
Գործընկերոջը շարունակեց Նաիրա Զոհրաբյանը ՝ պնդելով, որ մանր ու միջին առևտրականներին ուղղակի տեռորի են ենթարկում: «Բյուջե եք ուզում լցնել, տեղը ցույց ենք տալիս՝ գազի մոնոպոլիա, բենզինի մոնոպոլիա: Գազի հիման վրա ստեղծված իրենց դղյակները Մոնումենտում են, էնտեղ գնացեք և տեսեք խախտումները»,- ընդգծեց Նաիրա Զոհրաբյանը:
ԱԺ փոխնախագահ Էդուարդ Շարմազանովը հորդորեց օրակարգից չշեղվել ու թեև մի քանի անգամ անջատեց ընդդիմադիր գործընկերների խոսափողները, սակայն «Ծառուկյան» խմբակցության պատգամավորները մնացին անդրդվելի:
Մանրամասները՝ տեսանյութում:
Շողիկ Գալստյան
