19.04.2026 | 19:07
Վիզաների ազատականացումը ժողովրդավարական ինստիտուտների ամրապնդման գործընթաց է․ ՆԳ նախարար
Կառավարությունը նոր ծրագիր է իրականացնում. շահառուներին մինչև 30 միլիոն դրամ կտրվի
Տնտեսություն
06.05.2020 | 21:07
Կառավարությունը նախատեսում է իրականացնել կորանվիրուսի տնտեսական հետևանքները չեզոքացնող 17-րդ միջոցառումը: Միջոցառման նպատակն է օժանդակել ճգնաժամի հետևանքով բարձր տեխնոլոգիաների ոլորտի առանձին տնտեսավարողների մոտ առաջացած դժվարությունները: Կառավարության այս ծրագրից կարող են օգտվել բարձր տեխնոլոգիաների ոլորտի այն տնտեսավարողները, որոնք՝ համապատասխանում են «Տեղեկատվական տեխնոլոգիաների ոլորտի պետական աջակցության մասին» ՀՀ օրենքում նշված չափանիշներին, դրամաշնորհի հայտը ներկայացնելու օրվա դրությամբ վերջին 12 ամիսների ընթացքում չունեն հարկային և վարկային ժամկետանց պարտավորություններ, հայտը ներկայացնելու օրվա դրությամբ վերջին 12 ամսվա ընթացքում դրամաշնորհ չեն ստացել ԲՏԱ նախարարության կողմից։
Աջակցությունը տրամադրվում է դրամաշնորհի ձևով՝ հետևյալ պայմաններով.
10 մլն դրամ կարող են սրանալ նրանք, ովքեր վերջին 2 տարում ՀՀ-ում գրանցված և պրոդուկտներ ստեղծող տնտեսավարողներ են: Իսկ ահա 2 տարուց ավել ՀՀ-ում գրանցված և ծառայություններ մատուցող տեխնոլոգիական ընկերություններ (տնտեսավարողներ), որոնք պատրաստ են մշակել պրոդուկտներ կստանան 20 մլն դրամ: Այն տեխնոլոգիական ընկերությունները (տնտեսավարողներ), որոնք կներգրավեն փաստաթղթավորված և հաստատված ներդրումներ կրականացնեն 100% չափով համաֆինանսավորում կստանան, սակայն ոչ ավել քան 30 մլն ՀՀ դրամը: Հայտերն ընդունվելու և քննարկվելու են բարձր տեխնոլագիաների նախարարությունում:
Նարեկ Կիրակոսյան
