Արցախում բոլոր ուղղություններով շարունակվում են կորոնավիրուսի տարածման կանխարգելման աշխատանքները

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

Արցախում նոր տիպի կորոնավիրուսի (COVID-19) տարածումը կանխարգելելու նպատակով սահմանային անցակետերում տարվող աշխատանքների, արդյունավետության աստիճանի, հնարավոր խնդիրներին և տեխնիկական ու մասնագիտական ներգրավվածության թեմայով «Արցախ/Տեղեկատվական շտաբ»-ում այսօր կայացել է առցանց մամուլի ասուլիս:

 

«Արցախպրես»-ի թղթակցի հաղորդմամբ՝ իր խոսքում ԱՀ առողջապահության նախարարության աշխատակազմի պետական հիգիենիկ և հակահամաճարակային տեսչության պետ Օֆելյա Հարությունյանն ասել է, որ այսօրվա դրությամբ գրանցված 8 դեպքերից 6-ն արդեն առողջացել են: Ընդհանուր առմամբ, թեստավորվել է 287 քաղաքացի:
«Արվում է ամեն ինչ, որպեսզի վիճակագրական տվյալները չավելանան, և այդ ամենը իրականացվել է առողջապահության նախարարության, ոստիկանության ու արտակարգ իրավիճակների պետական ծառայության շնորհիվ: Սահմանային անցակետերում շարունակվում է բժշկական աշխատողների հերթապահությունը, որոնք ապահովված են ախտահանման անհրաժեշտ բոլոր միջոցներով: Արցախ մուտք գործող բոլոր քաղաքացիները պարտադիր կերպով ջերմաչափվում են: Ձեռնարկվում են բոլոր քայլերը, որպեսզի իրավիճակը կայուն մնա»,- նշել է Օ. Հարությունյանը:
Իր հերթին ԱՀ ոստիկանության անձնագրային և վիզաների վարչության պետ, ոստիկանության գնդապետ Ջիվան Ղահրամանյանն ասել է, որ ՀՀ-ում նոր կորոնավիրուսի վարակի առաջին հաստատված դեպքն արձանագրվելուց հետո մարտի 2-ից սահմանային անցակետերում ծառայություն իրականացնող ոստիկանության ծառայողներին հատկացվել են բժշկական ձեռնոցներ և դիմակներ: Հանրապետության Նախագահ Բակո Սահակյանի հանձնարարության համաձայն՝ Ոստիկանությունը հսկողություն է սահմանել օտարերկրյա  քաղաքացիների մուտքի վրա:
«Սահմանային 4՝ Աղավնո, Խնձորեսկ, Նոր Խարխափուտ և Կապան-Կովսական անցակետերում նոր կորոնավիրուսի տարածումը կանխարգելելուն ուղղված աշխատանքներն ուժեղացվել են, և Արցախ մուտք գործած անձանց ոստիկանությունը տեղեկացնում ու պարտավորեցնում է ինքնամեկուսանալ 14 օր: Վերջիններիս տվյալները ներկայացվում են ինքնամեկուսացման վայրի վերաբերյալ, որպեսզի ոստիկանությունը ստորաբաժանումների ուժերով հսկողություն իրականացնի նրանց նկատմամբ»,- ավելացրել է Ջ. Ղահրամանյանը:
Նա նշել է, որ նոր տիպի կորոնավիրուսի տարածման կանխարգելման աշխատանքների շրջանակներում հաստատված կորոնավիրուսով անձանց հետ ունեցած հնարավոր շփման ընթացքում Աղավնո հսկիչ անցագրային կետում ծառայություն իրականացնող 4 ծառայողներ ինքնամեկուսացել են: Նրանց առողջական վիճակը ստուգելուց հետո վերջիններս անցել են ծառայության:
 Իսկ ԱՀ արտակարգ իրավիճակների պետական ծառայության փրկարար ուժերի վարչության ԱԱՀՍ (արագ արձագանքման հատուկ ստորաբաժանում) հրամանատար, փրկարար ծառայության փոխգնդապետ Մեխակ Արզումանյանն ասել է, որ մարտի 15-ից ծառայության տարբեր ստորաբաժանումների կողմից ստեղծվել են օպերատիվ խմբեր, որոնք հերթապահություն են իրականացնում Արցախի բոլոր 4 անցակետերում:
Արցախի Պարետի որոշմամբ՝ ապրիլի 7-21-ը շրջիկ հենակետեր են բացազատվել Միրիկ համայնք տանող ավտոճանապարհին՝ Միրիկ և հարակից տարածքներում ախտահանման աշխատանքներ իրականացնելու նպատակով: Ապրիլի 16-28-ն էլ շրջիկ հենակետեր են բացազատվել Մարտակերտի շրջանի Վերին Հոռաթաղ, Կոճողոտ և Հաթերք տանող ճանապարհների խաչմերուկներում, ինչպես նաև Շահումյանի շրջանի Քարվաճառ-Ծառ համայնք տանող ավտոճանապարհի խաչմերուկում, որը գործում է մինչ այսօր: Տվյալ բոլոր անցակետերում և շրջիկ հենակետերում պարտադիր ախտահանման են ենթարկվում հանրապետության տարածք մուտք գործող բոլոր տրանսպորտային միջոցները:
Մ. Արզումանյանը տեղեկացրել է, որ այսօրվա դրությամբ ախտահանվել է 6095 տրանսպորտային միջոց, այդ թվում՝ Խարխափուտ հսկիչ անցագրային կետում՝ 2549, Աղավնոյում՝ 2063, Խնձորեսկում՝ 1483: Շրջիկ հենակետերում ընդհանուր թիվը՝ 1958 է, այդ թվում՝ Միրիկում` 37, Գետավանում և Զարդախաչում՝ 789,  Վերին Հոռաթաղում՝ 500, Կոճողոտում՝ 596 և Քարվաճառ-Ծառ տանող ավտոճանապարհին՝ 413 տրանսպորտային միջոց: