11.02.2026 | 17:26
Բացասական խմբերի դեֆիցիտ կա, Հայաստանում արյան պահանջարկը շարունակում է բարձր մնալ․ «Յոլյան» կենտրոնի տնօրեն
Խախտումներ արել եք և անելու եք, և մենք հնարավորություն չենք ունենալու թույլ չտալու․ Թանդիլյան. ՏԵՍԱՆՅՈՒԹ
Քաղաքականություն
29.04.2020 | 14:15
ԱԺ արտահերթ նիստում քննարկվում է «ՀՀ 2020 թվականի պետական բյուջեի մասին» օրենքում փոփոխություն և լրացումներ կատարելու մասին և կից ներկայացված օրենքների նախագիծը:
Ըստ «Լուսավոր Հայաստան» խմբակցության պատգամավոր Մանե Թանդիլյանի՝ առաջարկված նախագծով Կառավարությունը փորձում է բյուջեն ցանկացած պահի վերաբաշխելու հնարավորությամբ ապահովել իրեն անսահմանափակ ժամկետով՝ առանց խորհրդարանի:
«Մենք, որպես ընդդիմություն, չպետք է հավատանք ու վստահենք, պետք է համոզվենք, որովհետև ակնհայտորեն կան միջոցառումներ, որոնք կարող է կապ չունենան կորոնավիրուսի հետ։ Ինչո՞ւ այստեղ չքննարկենք, չբացահայտենք խոցելի հատվածները։ Հարկաբյուջետային կանոնի խախտումը, Ջանջուղազյանն ասաց, որ արտակարգ դրության պայմաններում հնարավոր է։ Այդ խախտումը ոչ միայն արտակարգ դրության ժամանակ եք անում, այլև մինչև դա եք արել։ Հետևաբար՝ խախտումներ արել եք, և հիմա էլ ակնկալիք եք ձևավորում, որ դա հնարավոր է, ինչը, այո՛, անելու եք և մենք էստեղ չենք ունենալու հնարավորություն՝ բացահայտելու, ասելու և թույլ չտալու»,- նշեց Թանդիլյանը։
Մանրամասները՝ տեսանյութում։
