28.11.2024 | 19:52
«Ես կանկրետնի առաջադրվելու եմ, դանակը օսկորին է հասել»․ Վարդան Ղուկասյան
ՌԴ-ն կորոնավիրուսով վարակվածների թվով առաջ է անցել Չինաստանից
Քաղաքականություն
27.04.2020 | 20:20
Ռուսաստանը կորոնավիրուսով վարակվածների թվով առաջ է անցել Չինաստանից. միայն վերջին մեկ օրվա ընթացքում 6.198 նոր դեպք է արձանագրվել ՌԴ-ի 84 շրջաններում: Այս մասին գրում է DW-ի ռուսական ծառայությունը:
Միայն Մոսկվայում կորոնավիրուսով վարակի 2.971 նոր դեպք կա, ևս 638-ը՝ Մոսկվայի մարզում:
Ապրիլի 27-ի տվյալներով՝ ՌԴ-ում վարակվածների ընդհանուր թիվը հասել է 87.147-ի: Մինչդեռ Չինաստանում, Worldometer-ի տվյալներով, ներկայում վարակի արձանագրված դեպքերի թիվը 82.830 է:
Փոխարենը ՌԴ-ում զգալիորեն փոքր է մահվան ցուցանիշը. 794 մահ՝ Չինաստանում արձանագրված 4.633-ի դիմաց:
Նշենք, որ աշխարհում վարակվածների, ինչպես նաև մահվան թվով առաջատարն ԱՄՆ-ն է. այստեղ 987.322 վարակված կա, մահվան ցուցանիշը 55.415 է:
Ընդհանուր առմամբ, ամբողջ աշխարհում նոր տեսակի կորոնավիրուսով վարակվածների թիվն արդեն գերազանցում է 3 միլիոնը:
