30.08.2026 | 20:00
Երեխայի կյանքը՝ հեռախոսում․ թվային «թմրամոլության» դեմ պայքարի ՇԵՐՏԵՐԸ․ ՏԵՍԱՆՅՈւԹ
Տուժած ոլորտների վարձու աշխատողներն ու անհատ ձեռներեցները միանվագ դրամական աջակցություն են ստանում
Քաղաքականություն
26.04.2020 | 19:15
Տուժած ոլորտներում եկամտի աղբյուրը կորցրած վարձու աշխատողներն ու անհատ ձեռներեցները միանվագ դրամական աջակցություն են ստանում հակաճգնաժամային 8-րդ միջոցառման (https://bit.ly/2Y6bOGx) շրջանակում:
Կառավարությանը դիմելուց 4 օր անց տուրիստական գործակալությունում հաշվապահ աշխատող Գոհար Խոջոյանը ստացել է միանվագ դրամական աջակցություն։ Նա 8-րդ ծրագրի շահառու է. «Կան աշխատանքներ, որ ամբողջովին դադարի վիճակում են գտնվում, և աշխատակիցները եկամուտի այլ աղբյուր չունեն, և սա իրենց համար էլի աջակցություն է»,- ասում է Գոհարը։
Անցած տարի 5.000 զբոսաշրջիկի ընդունած հյուրատան հիմնադիր Զառա Կարապետյանը ևս Կառավարություն է դիմել՝ աջակցություն ստանալու խնդրանքով։ Ասում է՝ ստացվող գումարը չի կարող փոխհատուցել այն վնասները, որ կրել է հյուրատունը, սակայն կա նաև հարցի հոգեբանական կողմը. «Երբ դու տեսնում ես, որ քո թիկունքին կանգնած է քո պետությունը»։
Աշխատանքի ու սոցիալական հարցերի նախարար Զարուհի Բաթոյանն ասում է՝ դիմողի ճշգրիտ տվյալները թույլ են տալիս ավելի հեշտ նույնականացնել անձին և օգնությունն էլ հասցեական բաշխել: «Երբեմն կարող է սխալ տվյալի արդյունքում դիմումը մերժվել»,- բացատրում է նախարարը։
