05.01.2025 | 21:53
Մատուցվեց Սուրբ ծննդյան ճրագալույցի պատարագ․ ԼՈՒՍԱՆԿԱՐՆԵՐ
Կառավարությունում ի՞նչ են ասել դասադուլ անող ուսանողներին, ո՞րն է նրանց տրամադրության անկման պատճառը. վարչապետի հետ հանդիպման տեսագրությունը
Հասարակություն
09.11.2017 | 18:32
Արդեն երրորդ օրը դասադուլ անող ուսանողներին այսօր ընդունեց ՀՀ վարչապետ Կարեն Կարապետյանը: Չնայած, որ հանդիպման ձևաչափի, դրան լրատվամիջոցների մասնակցության մասին մինչ հանդիպումը կառավարության առջև բողոքի ակցիա անցկացնող ուսանողների և կառավարության աշխատակազմի ներկայացուցիչների միջև տեղի ունեցավ տևական քննարկում, այդուհանդերձ՝ ուսանողների 5 հոգանոց խմբի համար անսպասելիորեն՝ հանդիպմանը մասնակցել են նաև ՊՆ և ԿԳ նախարարները: Շուրջ երկու ժամ տևած հանդիպումից դուրս եկած «Հանուն գիտության զարգացման» նախաձեռնության անդամ Դավիթ Պետրոսյանը հայտարարեց, որ վարչապետի հետ հանդիպումից հետո իրենց տրամադրությունն անկում է ապրել:
Լրագրողների հարցին, թե ինչու՝ Պետրոսյանը պատասխանեց.«Երբ դիտեք հանդիպման տեսանյութը՝ կհասկանաք, թե ինչու»: Թե ինչ են ասել ուսանողներին կառավարությունում՝ դիտեք տեսանյութում:
Հ. Գ. Ի դեպ, տեսանյութի հրապարակման պահից Կառավարության պաշտոնական կայքէջը և հաղորդակցուղին պարբերաբար տեխնիկական խնդիրներ էին ունենում՝ անհնար դարձնելով հանդիպման ամբողջական տեսագրության ներբեռնումը:
