Հասարակություն
20.04.2020 | 16:22ՀՀ Ոստիկանության կողմից դեպի Արցախի Հանրապետություն թույլատրվել կամ սահմանափակվել է տրանսպորտային միջոցների մեկնումը. 2.946 թույլատվություն է եղել, 693 արգելք։ Այս մասին այսօր մամուլի ասուլիսի ժամանակ հայտնեց փոխոստիկանապետ Հայկ Մհրյանը՝ ներկայացնելով այս օրերին Ոստիկանության աշխատանքը։
«Սահմանափակվել է տնտեսական գործունեութուն ծավալող օբյեկտների գործունեությունը, որի արդյունքում Ոստիկանության կողմից տնտեսական գործունեություն իրականացնող սուբյեկտներից 2.195-ին բաժանվել են իրազեկումներ, 2.065-ի գործունեությունը դադարեցվել է, 82 տնտեսվարող սուբյեկտի նկատմամբ կազմվել են վարչական իրավախախտման մասին արձանագրություններ»,- մանրամասնեց Մհրյանը։
Նրա խոսքով՝ հնարավոր վարակակիր անձանց հետ շփումները բացառելու նպատակով մեկուսացված վայրերում տեղակայված են կայուն պահակակետեր՝ 37 մեկուսացված վայրերում։ Մարալիկ և Ձորակապ համայնքներում ապրիլի 19-ից 25-ը նշանակվել են թվով 4 հատուկ անցակետեր, որոնք պետք է սահմանափակեն քաղաքացիների և տրանսպորտային միջոցների մուտքն ու ելքը։
Մանրամասները՝ տեսանյութում։
