18.10.2026 | 15:52
Ծանրորդ Էմմա Պողոսյանը` Եվրոպայի երիտասարդների առաջնության ոսկե մեդալակիր
Առաջիկա երկու շաբաթը շատ-շատ ցավոտ է լինելու․ Դոնալդ Թրամփը՝ ԱՄՆ-ում կորոնավիրուսի տարածման մասին. CNN
Քաղաքականություն
01.04.2020 | 18:18
Ուզում եմ, որ յուրաքանչյուր ամերիկացի պատրաստ լինի այն ծանր օրերին, որոնք առջևում են։ Մեզ շատ ծանր երկու շաբաթ է սպասում. այս մասին հայտարարել է ԱՄՆ նախագահ Դոնալդ Թրամփը․ հաղորդում է CNN-ը։
«Մահացու վիրուսի հետ պատերազմի մեջ ենք, և մեզնից պահանջվում է ամբողջական միջոցներ կիրառել։ Մեր հավաքական ուժն ու նվիրվածությունը չափազանց կարևոր է։ Մեզնից յուրաքանչյուրն ուժ ունի մեր ընտրությունների ու գործողությունների արդյունքում պահպանելու ամերիկացիների կյանքերը և փրկելու մեզանից ամենախոցելիներին։ Հուսով եմ՝ ինչպես փորձագետներն ու մեզանից շատերն են կանխատեսում, թունելի վերջում լույս կտեսնենք։ Բայց առաջիկա երկու շաբաթը շատ ցավոտ, շատ-շատ ցավոտ է լինելու»,- ասել է ԱՄՆ նախագահը։
Հավելենք, որ վերջին տվյալներով՝ ԱՄՆ-ում նոր կորոնավիրուսի վարակակիրների թիվը հասել է 139․675-ի, իսկ մահացությունների թիվը՝ 2431-ի։
Նելլի Մելքոնյան
