08.11.2024 | 23:14
Վթար Աշտարակի խճուղում․ կա տուժած
Կորոնավիրուսից մահացել է ֆրանսահայ քաղաքական գործիչ Պատրիկ Դևեջյանը. Le point
Քաղաքականություն
29.03.2020 | 12:42
Ֆրանսիայում կորոնավիրուսային հիվանդությունից մահացել է նախկին նախարար, Ֆրանսիայի նախագահի նախկին խորհրդական և Օ-Դը-Սեն դեպարտամենտի խորհրդի նախագահ Պատրիկ Դևեջյանը: Այս մասին հայտնում է ֆրանսիական Le point պարբերականը:
75-ամյա քաղաքական գործիչը հոսպիտալացվել էր այն բանից հետո, երբ կորնավիրուսի համար հանձնած թեստը դրական պատասխան էր ունեցել: Ավելի վաղ՝ թվիթերի իր միկրոբլոգում Դևեջյանը հայտնել էր, որ իր մոտ կորոնավիրուս է հայտնաբերվել: Նա գրել էր. «Համաճարակը ինձ էլ է խոցել։ Հոգնած եմ, սակայն բուժանձնակազմի պրոֆեսիոնալիզմի շնորհիվ ապաքինվում եմ»:
Պատրիկ Դևեջյանը ծնվել է 1944 թվականին, Ֆոնտենբլո քաղաքում: Նրա մայրը ֆրանսուհի է, իսկ հայրը՝ Ցեղասպանության ժամանակ Օսմանյան կայսրությունից գաղթած հայ: 1983 թվականից եղել է Անտոնիի քաղաքապետը: 1990-կաններից՝ Ֆրանսիայի նախկին նախագահ Նիկոլա Սարկոզիի խորհրդականը, իսկ հետո՝ վարչապետին ենթակա փոխնախարար՝ Վերականգնման պլանի իրականացման գծով:
2014 թվականին Հայաստանի Հանրապետության Անկախության տոնի առիթով, ինչպես նաև Հայաստանի Հանրապետության և Ֆրանսիայի Հանրապետության միջև բարեկամական կապերի ամրապնդման գործում ներդրած նշանակալի ավանդի համար, պարգևատրվել է Պատվո շքանշանով:
