07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Դավիթ Տոնոյանը վստահ չէ, որ Ռուզաննա Խաչատրյանի ակնարկները Վիգեն Սարգսյանին չէին ուղղված
Հասարակություն
03.11.2017 | 14:26
ՀՀ արտակարգ իրավիճակների նախարար, պաշտպանության նախկին փոխնախարար Դավիթ Տոնոյանը հրաժարվում է մեկնաբանել Պաշտպանության նախկին նախարար Սեյրան Օհանյանի կնոջ՝ Ռուզաննա Խաչատրյանի ֆեյսբուքյան գրառումները, որոնք այս օրերին մեծ աղմուկ բարձրացրին:
«Կարծում եմ՝ ճիշտ չէ, որ ես մեկնաբանեմ իմ նախարարի, ում հետ ես աշխատել եմ տասը տարի, տիկնոջ անձնական բնույթի որևիցե գրառում»,- ասաց Դավիթ Տոնոյանը:
Մեր դիտարկմանը՝ անձնական բնույթի գրառումներ չէին, Տոնոյանը պարզաբանեց՝ խոսքն անձնական գրառումների մասին է:
Factor.am-ը նախարարից հետաքրքրվեց՝ տեսել է արդյոք այդ գրառումներում ակնարկ՝ ուղղված Վիգեն Սարգսյանին, Դավիթ Տոնոյանն ասաց, որ ոչ:
Մեր հստակեցնող հարցին՝ ինչո՞վ է պայմանավորված իր վստահությունը, որ գրառումները ուղղված չէին Վիգեն Սարգսյանին, Տոնոյանը պատասխանեց. «Ես այդպես եմ կարծում, ես վստահ չեմ կարող ասել»:
Ինչ վերաբերում է Պաշտպանության նախարար Վիգեն Սարգսյանի ներկայացրած «Զինծառայողի և զինվորական կարգավիճակի մասին» օրինագծին և դրա շուրջ հնչող քննադատություններին, Դավիթ Տոնոյանը նկատեց. «Համախոհ եմ նախարարի ներկայացրած նախագծի հետ, ամեն ինչ արվել է, որ հավասարություն ստեղծվի»:
Մանրամասները՝ տեսանյութում:
Շողիկ Գալստյան
