08.11.2024 | 22:10
Նորաձևություն՝ զոհերի հուշարձանում․ Yerevan Fashion Week-ի ցուցադրության ոչ գլամուր հետևանքները․ ՏԵՍԱՆՅՈՒԹ
Մոսկվայում մեկ շաբաթով կփակվեն սրճարանները, մանրածախ առևտրի օբյեկտներն ու վարսահարդարման սրահները․ Մոսկվայի քաղաքապետ. mos.ru
Քաղաքականություն
26.03.2020 | 17:42
Նոր կորոնավիրուսի տարածմամբ պայմանավորված՝ Մոսկվայում մեկ շաբաթով կփակվեն սրճարանները, ռեստորանները, բարերն ու ճաշարանները: Մոսկվայի քաղաքապետ Սերգեյ Սոբյանինը համապատասխան հրամանագիր է ստորագրել: Այս մասին տեղականում ենք Մոսկվայի քաղաքապետարանի պաշտոնական կայքից։
Քաղաքապետի որոշմամբ՝ մարտի 28-ից ապրիլի 5-ը քաղաքում փակ կլինեն բոլոր բարերը, ռեստորանները, սրճարաններն ու հանրային սննդի այլ կետերը։ Աշխատանքը կշարունակեն սնունդ մատուցող միայն այն հաստատություները, որոնք առաքման ծառայություն են մատուցում։ Որոշման համաձայն՝ մինչև ապրիլի 5-ը գործունեություն չեն ծավալի նաև մանրածախ առևտրի օբյեկտները։ Այս դեպքում ևս՝ բացառություն կլինեն առաքման ծառայություն իրականացնող օբյեկտները։ Մոսկվայում կփակվեն նաև վարսահարդարման սրահները։
Հավելենք, որ ՌԴ առողջապահության նախարարության տվյալներով՝ երկրում կորոնավիրուսով վարակվածների թիվը 840 է։ 38 անձ ապաքինվել է։
Նելլի Մելքոնյան
