22.05.2026 | 17:35
Օվերչուկը հայտարարել է, թե Մոսկվան ցանկանում է, որ Հայաստանը մնա ԵՏՄ-ում
Վաղվանից կարգելվի առևտրի կենտրոնների, խաղատների, բուքմեյքերական կետերի և ժամանցի այլ վայրերի տնտեսական գործունեությունը. Ավինյան
Քաղաքականություն
21.03.2020 | 18:40
Մարտի 22-ից մինչև արտակարգ դրության ռեժիմի ավարտը Հայաստանում մի շարք ոլորտներում տնտեսական գործունեությունը կարգելվի: Այս մասին ֆեյսբուքյան գրառմամբ տեղեկացրել է ՀՀ փոխվարչապետ, պարետ Տիգրան Ավինյանը:
«Կորոնավիրուսի հիվանդության դեմ պայքարի շրջանակում մարտի 22-ից մինչև արտակարգ դրության ռեժիմի ավարտը Հայաստանի Հանրապետության տարածքում արգելվելու են տնտեսական գործունեության հետևյալ տեսակները.
- Առևտրի կենտրոն՝ բացառությամբ սննդի, խմիչքների, ալկոհոլային խմիչքների, ծխախոտային արտադրության ապրանքների մանրածախ առևտրի գործունեության
- Բարերի, գիշերային ակումբների, պարահրապարակների գործունեություն
- Կինոֆիլմերի ցուցադրում
- Խաղատներ
- Բուքմեյքերական և խաղագումարով գրազի կազմակերպման գործունեության սպասարկման գրասենյակներ:
Պարետատունը բոլոր ջանքերը գործադրում է մեր ժողովրդի անվտանգությունն ապահովելու, հայ ազգի ուժերը մոբիլիզացնելու և բոլորիս առջև ծառացած մարտահարվերը հաղթահարելու համար»,- գրել է Տիգրան Ավինյանը։
