16.02.2026 | 17:53
Նավալնիի հիշատակի միջոցառումներ են տեղի ունենում ամբողջ աշխարհում. Ռուսաստանում ձերբակալվածներ կան
Կայացել է Տոկիո-2020-ի օլիմպիական ջահը փոխանցելու արարողությունը
19.03.2020 | 20:34
Այսօր կայացել է 2020-ի Տոկիոյի ամառային 32-րդ Օլիմպիական խաղերի ջահի փոխանցման արարողությունը։ Այս մասին հայտնում է Reuters-ը։
Արարողությունն անցկացվել է Հունաստանի մայրաքաղաք Աթենքի՝ 50 հազար հանդիսատեսի համար նախատեսված «Պանաթենայիկ» մարզադաշտում՝ առանց հանդիսատեսի: Հունաստանի օլիմպիական կոմիտեի նախագահ Սփիրոս Կապրալոսը ջահը հանձնել է Տոկիոյի 2020-ի կազմկոմիտեի ներկայացուցիչ Նաոկո Իմոտոյին։
Վաղը՝ մարտի 20-ին, օլիմպիական ջահը Ճապոնիա կհասնի։ Նշենք, որ 2020 թվականի ամառային Օլիմպիական խաղերը կանցկացվեն Ճապոնիայի մայրաքաղաքում Տոկիոյում՝ հուլիսի 24-ից օգոստոսի 9-ը։
Հիշեցնենք, որ մարտի 14-ին Տոկիոյի ամառային 32-րդ Օլիմպիական խաղերի կազմկոմիտեն հայտնել էր օլիմպիական ջահի հունական հատվածի 6-օրյա փոխանցումավազքի չեղարկման մասին։ Հունաստանի ազգային օլիմպիական կոմիտեն որոշումն ընդունել էր՝ հաշվի առնելով COVID-19 կորոնավիրուսի տարածումը:
Նելլի Մելքոնյան
