«02 շաբաթաթերթը» ՓԲԸ-ն կլուծարվի: Վաղը նման որոշում կընդունվի Կառավարության հերթական նիստի ժամանակ:
«02 շաբաթաթերթը» ՓԲԸ-ն, որն իրականացնում էր «02 շաբաթաթերթի» տպագրությունը, հիմնադրվել էր 2000 թվականին: Ընկերության ստեղծման նպատակն է եղել հանցավորության դեմ տարվող պայքարի և հասարակայնության հետ կապի ու լրատվության ապահովման ուղղությամբ ՀՀ ոստիկանության և իրավապահ այլ մարմինների կողմից տարվող աշխատանքների լուսաբանումը:
Կառավարության նախագծի համաձայն, սակայն, թերթը լուծարվում է, քանի որ «02 շաբաթաթերթը» ոստիկանության գործունեության բնագավառին ոչ բնորոշ գործառույթներ իրականացնող կազմակերպություն է:
Ընկերությունն ունի 15 հաստիք, որից համալրված են 10-ը:
